韭菜鮮肉餃 7隻+$17轉邪惡金沙餃
邪惡金沙餃真係招牌餃子，煎餃面鋪滿鹹蛋黃碎，煎餃外皮煎得金黃香脆，鹹蛋黃香濃。韭菜自身新鮮濃郁嘅味，非常適合做煎餃。
湯餃可以+$2雙拼
食左4款湯餃，湯底係椰子海帶鮮雞豬骨濃湯，椰子香味濃郁，溫熱嘅湯飲落好舒服，絕對值得為左呢個湯而黎！餃子好大隻，餃子皮薄，餡料肉味鮮甜。
新品日本櫻花蝦蘿蔔鮮肉餃：
第一次見櫻花蝦同蘿蔔包餃子，入口櫻花蝦蝦香濃郁，鹹香味十足，鮮甜白蘿蔔平衡櫻花蝦濃郁嘅味道，非常特別。
芝士粟米鮮肉餃：芝士餃必點，芝士味道香濃，粟米汁帶香甜味，芝士同粟米配搭得好和諧。
雲耳椰菜鮮肉餃,紫甘藍粟米鮮肉餃
呢兩款比較清甜，粟米香非常突出。
紫甘藍比較特別，口感爽脆，配粒粒粟米口感豐富。
1
秘汁金錢展
金錢展展厚切，滷得入味，一碟都有6-7片，補充蛋白質之選
秘汁滷蛋
清熱潤喉羅漢果甘草茶
自家製涼茶，羅漢果甘甜，清熱解喝，$12一大支性價比高。
青檸蜜
清甜口感，酸甜度適中，不會過甜。
