Dodam Chicken (1亞太中心) (已結業)

Lunch time和同事試左呢間人氣炸雞餐廳，之前係銅鑼灣食過晚市，覺得佢d炸雞好惹味同正宗，唔知原來午市係有lunch set，價錢又唔貴，包埋飲品，仲有韓式炒粉絲同泡菜任食😍餐廳樓底夠晒高，空間感十足，座位好闊落，仲有卡位，坐得好舒適！呢到除左有炸雞、韓國麵、炒年糕、伴飯等韓式料理外，仲有pizza、意粉等fusion菜式，選擇非常多！🤩🌟白雪芝士雞熱辣辣既雞塊面頭曬滿芝士粉，望落就好似白雪般，所以叫白雪芝士雞，雞件數量多，有雞膇、雞全翼等多個部位，芝士粉味道特別，咸中帶甜，雞件用烤焗方式烹調，保留雞肉既嫰滑，雞皮香脆，味道唔錯！🤪🌟韓式甜豉油脆雞呢款炸雞相當有驚喜，每一件雞蘸上秘製醬汁，食落香甜可口，雞件炸得勁脆，咬落有聲，炸粉唔會落得過量，雞肉食落啖啖肉，非常惹味！💠以上套餐送飲品一包，可到飲品櫃自取！📍Dodam Chicken (1亞太中心) (觀塘)觀塘觀塘道414號1亞太中心3樓1號舖