天天海南雞飯 (太古城中心)

營業中

休息中

同朋友去太古城 IKEA 買野，行完就去咗呢間米芝蓮必比登推介嘅「天天海南雞飯」食晚餐。餐廳裝修精緻，地方闊落，環境舒適。食物以散點為主，由招牌海南雞、麵食、小吃，以至點心、甜品等，一應俱全。天天海南雞，海南雞跟足新加坡總店嘅做法，以白羽雞烹製，雞皮爽薄，雞肉嫩滑，入口雞味好濃郁，加上已全部去晒骨，配自家秘製醬汁吃，非常惹味！另外佢哋嘅雞油飯亦做得很有水準，飯呈淺黃色，粒粒油潤，吃起嚟口感乾爽又帶香味。九製陳皮火焰黑金叉燒，叉燒上桌時，店員會即席喺客人面前以火槍燃點，即時火光熊熊，視覺效果一流！食落肉質果然與別不同，入口軟腍鬆化，既有煙燻香氣，又帶點玫瑰露香，令人食指大動！咖央醬炸饅頭，饅頭炸到金黃色，熱辣辣，蘸點香甜軟滑嘅咖央醬吃，每一啖都係味覺享受。芒果糯米飯以心心造型上碟，賣相很精美，椰漿濃厚順滑，糯米飯煙韌微甜，與時令芒果相輔相成，入口味道一流！新加坡原味豆腐花，豆腐花質感好滑，豆味濃郁，甜度適中，口感不俗。