榮記粉麵

營業中

休息中

雖然呢間車仔麵成日都排隊，但因為質素有保證！所以耐唔時都會癮起幫襯！今日帶媽咪同兩隻馬騮來食！去到都要排一陣！好多人話呢間食店店員態度差，其實係比較粗聲粗氣，我排隊時佢問我面牆位置坐唔坐，我話有小朋友唔方便，店員都無乜嘢，叫我等多陣！座位好迫，一定要搭枱，但大家都唔介意！坐低我叫了三碗麵大家分享！食物上得好快！魚旦雞翼尖粗麵--魚旦大粒彈牙，雞翼尖簡直係必食，炆得入味，唔會好咸，而且骨肉分離！自己喜歡食車仔麵揀粗麵！配濃湯好好味！豬紅豬大腸米粉--豬紅好似啫喱咁，好滑溜！豬腸厚肉肥美無壓味！鹵得入味！正！豬皮蘿蔔米線--豬皮好大塊！爽晒啲汁！蘿蔔無筋！好清甜！腐乳通菜--腐乳少辣！配爽口通菜好夾！食到中段再叫三支樽裝汽水！夠凍夠氣！解膩一流！