影片
更多
2019-06-19
1288 瀏覽
最近都幾鐘意食粉麵、車仔麵、米線類，連續兩星期喺虹橋食晚飯，其中一日揀左雲川燒，雖然聽過唔少人表示盈豐商場總店出品較好，但由於呢度大啲同埋較方便我地，所以一直都係光顧後者。店內位置唔少，座位密麻，但真係好旺，基本上每次黎都有人龍，所以有心理準備要候座餐牌同一般米線店無異，湯底分豬骨、鮮魚、酸辣、麻辣及拌麵，食唔食得辣都有選擇。可配米線或紅薯粉，基本一款配料定價$38，有豬扒、豬頸肉、雞翼等較受歡迎的選擇，也有丸類、蔬菜菇菌等，加餸每款$7，上限為四款，附送熱飲。穿著校服的中學生或平日下午茶時段更可減$4。雖然基本款比起我地大半年前黎加左1蚊，但依然抵食，配凍飲都係加3蚊。豬頸肉、雞翼麻辣米線 $45/中辣香辣腩肉、豬大腸麻辣米線 $45/小辣麻辣湯可選微/小/中/大/特辣，配有蔥、芽菜、韭菜及辣肉碎，如果有唔想要的，可以在落單時跟店員示意。米線大碗料足，印象中點一款配料嘅份量相對會較多。湯底色澤偏淡，唔會紅彤彤，亦未見大量油光。老實講小辣同中辣嘅差別唔大，入口微辣帶酸，完全唔麻唔過鹹，算係比較溫和，冇乜驚豔位，如果嗜辣或者食得辣嘅朋友起碼要點中辣或以上。豬頸肉係雲川燒其中一款人氣配料，
餐牌同一般米線店無異，湯底分豬骨、鮮魚、酸辣、麻辣及拌麵，食唔食得辣都有選擇。可配米線或紅薯粉，基本一款配料定價$38，有豬扒、豬頸肉、雞翼等較受歡迎的選擇，也有丸類、蔬菜菇菌等，加餸每款$7，上限為四款，附送熱飲。
穿著校服的中學生或平日下午茶時段更可減$4。雖然基本款比起我地大半年前黎加左1蚊，但依然抵食，配凍飲都係加3蚊。
豬頸肉、雞翼麻辣米線 $45/中辣
香辣腩肉、豬大腸麻辣米線 $45/小辣
麻辣湯可選微/小/中/大/特辣，配有蔥、芽菜、韭菜及辣肉碎，如果有唔想要的，可以在落單時跟店員示意。米線大碗料足，印象中點一款配料嘅份量相對會較多。湯底色澤偏淡，唔會紅彤彤，亦未見大量油光。老實講小辣同中辣嘅差別唔大，入口微辣帶酸，完全唔麻唔過鹹，算係比較溫和，冇乜驚豔位，如果嗜辣或者食得辣嘅朋友起碼要點中辣或以上。
豬頸肉係雲川燒其中一款人氣配料，幾乎每枱都點。仲記得第一次食嘅時候有啲驚訝，因為其他米線店比較少將豬頸肉切成幼身條狀，算係呢度標誌性的。豬頸肉份量少，燒至面層有點焦脆，入口保持軟嫩，幾有誠意只係水準未算穩定，偶然都有燒到比較乾嘅時候。
雙拼雞翼兩隻，比起上一次黎嘅時候做得好，有啲似滷嘅做法，冇咁乾硬，而且入味。
香辣腩肉煮得腍身，大腸中規中矩，勝在份量大方。米線爽滑，唔會太粗身。
反正雲川燒嘅性價比確實幾高，特別係我早一個星期先食完附近另一間米線店。唔怪得無論平日定假日都好多人等位。再訪會試下香茅豬扒，見隔離枱點嘅，幾吸引。
張貼
