雲川 米線．紅薯粉 (富麗大廈)

營業中

休息中

屯門名物-雲川🍜聽聞係好多屯門人既No.1 米線，係屯門已經有好幾間分店，早幾年其實我去盈豐食過一次🙃今次試下虹橋呢間，裝修都新新地，🤪都好乾淨企理下午時間唔需要等位，上菜速度都好快，叫佐碗米線少辣，味道香濃，豬頸肉係呢間鋪既招牌，份量多，外層焦脆肉爽，一試難忘，配埋凍檸茶，簡直好爽呀，如果試到少辣，下次真係要再升級試下中辣~我仲叫佐個小食拼盤，有魚腐，蝦餅，青瓜同雞翼，魚腐，蝦餅脆口又香，仲包埋一杯熱飲，下午茶幾抵食~埋單都係100內有找~😱😂👍

幸運嘅地方就係我平時屋企附近有呢一間屯門名物米線所以都放假食早餐嘅時候-遇着佢唔多人排隊簡直就係超級幸運-必試酸辣湯底米線如果叫海藻嘅話都要另加會最抵食最大碟同埋就係必食嘅豬頸肉-不過佢嘅飲品就真係有待改善好似每一次叫乜都唔好對路-好似飲豆漿好啲

今次去了虹橋的分店酸麻金湯米線～（中辣）湯底比較特別，外面較少。麻但唔會感到油膩感餸叫左 豬頸肉 跟蘿蔔豬頸肉是必點 切成幼條 較香口。 可惜最當初係分碟上 現在改成跟米線放左一起 少了香脆感 但味道仍很不錯！蘿蔔甜 沒渣～ 但其他分店好像淋d酸辣湯米線 （中辣）少了麻 相對沒太大辣度。這款湯底有肉碎。餸菜要左 牛展和墨魚咀牛展入味 是較厚身的那種 牛味偏重墨魚咀 無乜調味 淡 但脆炸韭菜餃味道正常 配泰式辣醬 👍👍兩杯凍檸茶少甜 都正常

平時去開屯門都中意去食呢個米線雲川米線簡直係屯門名物，識好多人都會專登揸車入去食。佢最出名既餸係豬扒同埋豬頸肉豬頸肉份量多，切到一條條幼幼地既形狀，好易入口。香脆，有油脂既香味，豬頸肉好食過豬扒！！豬扒唔會好油同埋好多肥膏，啖啖係肉，有好香既香茅味，不過會有小小乾乾地鞋鞋地。貢丸貢丸我又係好中意食，大大粒好juicy，而且有香菇味

叫咗豬頸肉撈薯粉，係我愛嘅攣攣薯粉😍❤️ 份量ok，唔會食完肚餓，冇得揀辣，但佢個汁約幾好食，唔會好淡👍🏻 個個係雲川都鐘意食豬頸肉，我承認佢個口感係正嘅，厚度適中，個皮燒得香，但屯門兩間豬頸肉嘅肉味都怪怪地，唔知係鬆肉粉定豬臭味☹️ 但啲朋友又話食唔出，有冇人都食到？可以話比我知😮‍💨 豬耳勁正😍 重蒜重辣，勁惹味❤️❤️整體嚟講，撈薯正👍🏻 豬頸肉唔鐘意❌ 但可能係個人口味問題，豬耳勁正👍🏻👍🏻

早就聽聞雲川質素下降，之前試過第二間分店，第一次黎呢間分店食，係有啲失望。叫左金湯酸辣米線配3餸：豬頸肉、牛展同韮菜雲吞。先講湯底薑味太重，唔太符合個人口味。跟住係點評3個餸，豬頸肉調味ok, 但食豬頸肉係食佢既爽口質感，我食到既肉質帶梅、唔爽口，作為舖頭招牌係令人失望，成碗粉最好食既係牛展，夠入味，口感軟腍，韮菜雲吞啖啖肉都係食得過。米線口感軟硬適中但唔算特別好食。份量黎講係合理，豬頸肉有好多條，不過唔好食，整體黎講味道普通，難怪依家lunch time 都冇人排隊，可以直入。

本人喜歡食雲川，第一次吃是貝XXX 酒店的雲川，覺得很好。在紅橋落車便來吃這間，味道很很一般，重點是一個人吃，待應給了一個角落位，生得肥d 都坐唔到，隔離是紋身大漢，我是小女子，看見這樣程況想走～但出面又下雨只有繼續，上菜是要我借位的，天呀！香港真的已經壞透了嗎？食物行業可以有點同理心？待應又惡又令人不舒服，Ai 可以取代他們了！真的不知所謂！個個待應好似欠了他們～其實迫人上深圳主因不是香港食物差，是香港待應態度差和黑面！

小弟都好耐冇食呢間野！係我心目中只係貴夾唔飽肚！因為做旺左，多分店，價錢越黎越貴叫了一碗酸辣米線，餸有腩肉 蘿蔔！另加一杯凍奶茶！收61蚊，同1年前相比貴左10蚊！湯底味道越黎越淡，蘿蔔又太硬！腩肉仍然係大大條，咬斷入口比較辛苦！雖然叫左小辣，但完全唔辣....雖然我覺得唔好食，但仍然有一班粉絲幫襯！每次都要排隊... 有冇咁誇張...可能真係做起左，太多生意....賺唔少錢情況下引致食物質素下解！而家都轉去食川辣館米線，好好味我就唔會再幫襯，唔值呢個價

：呢間真係唔洗多講😂超級多人推介既米線店😆呢間絕對係我口袋裏排頭三名嘅米線店❤️🌟酸辣小鍋米線 $47 特辣需要 + $2 （豬頸肉+$1）酸酸甜甜十分開胃 個人覺得有少少似冬陰功咁🤣配上呢個世一豬頸肉 佢真係燒得好香好脆 就算浸咗喺湯好耐都仲係好入味😌而且份量絕對唔慳家😆🌟鮮魚湯紅薯粉 $48 （豬頸肉+$1）呢個係比較清 唔係我杯茶😹通常都係🧑🏻‍🦱食佢覺得呢個比較好食 最唔推介係豬骨湯❌紅薯粉係幼身扭紋嗰種～🌟豬大腸炸得好爽口 配泰式辣醬 好正😗🌟腐皮蝦卷呢個之前食過，都幾香口下😆各類凍飲+$3|下午茶優惠減$4❤️❤️個人認為唔同分店味道有少少出入，有冇人有同感米線嘅份量都比以前少🥲

我平時去開屯門都中意去食呢個米線🍽️，雲川米線簡直係屯門名物，識好多人都會專登揸車入去食。佢最出名既餸係豬扒同埋豬頸肉❤️。🌟豬頸肉👍🏻👍🏻份量多，切到一條條幼幼地既形狀，好易入口。香脆，有油脂既香味，豬頸肉好食過豬扒‼️🌟豬扒唔會好油同埋好多肥膏，啖啖係肉，有好香既香茅味，不過會有小小乾乾地鞋鞋地。🌟貢丸貢丸我又係好中意食，大大粒好juicy,而且有香菇味不過好多人幫襯，基本上大部份時間塊食都要搭枱，坐得好逼。

最近喺屯門虹橋附近返工同事推介我去試下屯門名物雲川米線聽講雲川米線係香港top three好食米線好多住市區嘅人都特登入屯門食一於去試吓係咪真係咁好食我叫咗豬頸肉酸麻金湯米線(小辣)落咗單5分鐘左右就有得食啦豬頸肉切得好幼 好刀工👍🏻好新鮮 外層充滿焦香 有咬口米線彈牙 唔會太腍酸麻金湯濃郁 夠麻 唔會油膩$48 包埋嘢飲真係好抵食屯門名物果然名不虛傳👍🏻可惜要入到大西北先有得食如果佢開分店喺市區同新界東就好啦

自從幾年前呢一間米線舖開咗喺屋企附近之後，佢已經係我常駐嘅食堂，佢嘅湯底持續咁樣更新，由一開始我鍾意食嘅魚湯▶️▶️去到我依家最愛嘅酸金麻湯底真係無敵！另外大推💯💯一定要另外叫小食海藻$18咁樣係最抵另外其實佢嘅小食都好出色，我自己就最鍾意食雞軟骨，呢個新出嘅麻辣魚皮都好食

米線控注意‼️屯門米線之霸：雲川，店內最出名係豬頸肉同香茅豬扒，今次試咗佢嘅豬頸肉。豬頸肉切至幼條狀，外脆焦香，油香十足，頗有咬口，而且份量好多，令人食到上哂癮！.另外，湯底細心關顧唔食得辣嘅人。選擇豐富，如：豬骨湯、鮮魚湯、酸辣湯、麻辣湯及熱拌，可配小鍋米線或紅薯粉。價錢：$47/碗，配料每款$10起，包嘢飲。.📍 雲川 米線．紅薯粉 (屯門)屯門有4間店：🔶屯門青菱徑6號富麗大廈地下F號舖🔶屯門震寰路6號貝爾特酒店地下2D號舖🔶屯門良德街9號盈豐商場地下A27號舖🔶屯門湖翠路2號美樂花園商場地下46及61號舖#屯門#屯門名物#米線控#米線關注組#大西北#tuenmun#tuenmunfood#tuenmunfoodie#豬頸肉#pork #foodiegram

身為屯門人食左雲川好多年,近幾個月戒口冇食,最近去盈豐一次,虹橋一次,米線既份量明顯變小,夾幾下就冇哂,冇以前咁飽,但味道就冇咩投訴,岩自己口味,朋友食元朗新開個間,佢食量大過我,食完都有同感覺得唔夠飽,d餸就冇問題覺得幾好,但米線份量真係唔夠,以前一星期肯定會食1~2次,所以好熟佢既份量,唔會有錯覺,唔知有冇其他人都有同感,希望雲川可以增加番米線既份量,或者點餐app可以出一個選項比人揀正常份量或減少份量

呢間米線舖喺屯門不嬲都幾出名，一直想試吓，今日終於去到虹橋試。☺️微辣麻辣小鍋米線 🍜+豬頸肉+香茅豬扒（$44+每樣餸$10）湯底唔算好特別，只有微微嘅麻感。豬頸肉係呢間嘅招牌，確實唔錯。甜甜地，間中有啲肥膏位同燶位，有啲似叉燒😂。另外佢豬頸肉係切到幼條嘅形狀，個人覺得如果佢可以大條啲，口感會更加好。😍至於香茅豬扒啲肉質比較散，但勝在易咬，唔會好乾柴，而且亦都有香茅味，加$10大大塊味道又唔錯算係咁。😌微辣酸辣小鍋米線 🍜+豬頸肉+蘿蔔+爆漿魚丸（$44+每樣餸$10）湯底酸酸辣辣幾開胃，蘿蔔好好好大嚿，仲要有四嚿咁多，無渣又入味，爽甜爽甜，超級推薦鍾意蘿蔔嘅朋友仔。🥕爆漿魚丸，都係一啲現成丸，魚丸包住一粒肉丸，有少少爆汁，都幾惹味。😉味道：🐽🐽🐽🐽價錢：🐽🐽🐽🐽環境：🐽🐽🐽