龜記茗茶 (新都會廣場)

營業中

休息中

早前去台灣竟然無飲到珍奶，見葵廣開咗一間人氣過江龍，即刻去咗買返杯試下。店面有列出熱銷嘅排行榜，我就選咗一杯top one嘅紅柚翡翠。平時我都好喜歡依個口味，果味清爽，好適合炎炎夏日飲，好消暑啊！龜記嘅紅柚翡翠內有好多柚子肉，每飲一啖都飲到絲絲柚肉，配埋綠茶幽幽茶香帶回甘，同酸甜柚肉好夾。我仲加咗蘆薈粒有啲咬口，一分糖但水果嘅糖分都好足夠，下次試埋無糖先。朋友點咗碎銀普洱鮮乳，鮮乳奶味唔會太搶，茶味無想像中咁濃，整體各方面都幾平衡。鮮奶茶加珍珠試埋佢另一款配料，珍珠size偏細同埋軟q口感為主，煲得透好易咬，但朋友係煙韌控，就想再有咬口啲。店舖位置係新都會廣場，買外賣比朋友都好方便。下次途經會想再買杯飲，試多幾款口味。