影片
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
今日黎到葵芳 朋友們話落雨天要飲手搖😗 知道新都會廣場有間台灣嘅手搖 龜記茗茶 出名健康茶底 一於去試試佢😌 睇睇餐牌 醇茶、鮮調茶、古早味、醇奶茶、鮮奶茶、鮮蜂蜜 好多選擇呀😍 諗左好一陣終於落單😆 柳丁翡翠叫左一分糖 新鮮嘅橙汁 加埋綠茶 依家呢啲濕漉漉嘅天氣飲 真係好fresh😌 三十三茶王奶茶果然係龜記推薦 烏龍茶底 茶味好香 叫左一分糖 茶味會淡少少 叫返少冰中和返😬 碎銀普洱珍珠鮮奶茶好少飲到手搖係有普洱茶葉 味道幾特別 唔係平時飲茶咁濃味同苦澀 佢係淡淡嘅普洱茶香 用上新鮮鮮奶 叫左無糖 珍珠少少甜 煙靭有咬口 加埋味道啱啱好😋 紅柚翡翠一分糖 滿滿嘅紅柚肉 配上清新綠茶 酸酸甜甜 越飲越開胃 大推😍 甘蔗四季春叫左一分糖 輕輕甘蔗嘅甜味 又唔會蓋過四季春嘅茶味 第一次試用甘蔗代替糖 又幾好味😬 整體來講 呢間 龜記茗茶 飲品種類眾多 店員服務態度好 見到佢仲有冬日暖飲 等冬天嘅時候一定要嚟試吓😌
繼續閱讀
炎炎夏日當然要飲杯清涼水！行過見到好多人排緊隊，一於同班朋友一齊試下佢。👉🏻花沫烏龍奶茶呢款推介係用奶粉開嘅 想要鮮奶沖製嘅朋友可以揀返鮮奶茶系列👍🏻另外加琥珀珍珠 ，係用黃糖浸住，飲落去有陣陣蜜糖嘅香氣🥰👉🏻旺梨四季春即係鳳梨係青茶嚟嘅 都係夏天特飲推介非常清新😺👉🏻紅柚翡翠新鮮紅柚肉配綠茶👉🏻冬瓜檸檬適合夏天飲嘅選擇之一😺👉🏻豆漿紅茶 本身已經選用低糖豆漿， 健康之選本身諗住飲得健康啲想要最低嘅甜度，店員好貼心咁 根據 每款特飲嘅特色樣解釋返 建議甜度🤩
繼續閱讀
自己都好少飲手搖嘢飲，但係今日同事話呢一間龜記茗茶喺台灣過江龍，所以就即管試吓。蘋果紅萱(1分糖/微冰): ($36)本身以為佢啲果茶都係有果肉係入邊，但係呢一個紅蘋果紅萱就冇嘅，但係飲落去好清甜好潤喉。成個感覺好清新好健康。檸檬蘆薈蜜(1分糖/微冰): ($40) 同事就話呢個好清新，而且飲得出係真材實料，唔會係平時街買嗰啲化學品味。而且飲得到蜂蜜嘅味道。花沫烏龍奶茶加珍珠(3分糖/微冰): ($36) 同事覺得呢一個好正，因為佢哋嘅珍珠好淋，我試左一啖覺得完全係台灣嘅味道，食到落去中心都係軟林林嘅，以後一定要加佢哋嘅虎珀珍珠。而且茶底亦都號出嚟，飲得出係靚烏龍嚟嘅。仲有同事本身諗住叫一分糖，但係佢哋同事話最好係配上三分糖。所以要留意。蜜桃烏龍(1分糖/微冰): ($39) 飲得出係真材實料嘅味道同事話佢每一次佢都會飲呢一個，所以試咗佢一啖。真係飲落去係好清新嘅感覺，而且飲完之後完全冇口渴嘅感覺。旺梨四季春(1分糖/微冰): ($38) 見到呢個係排行榜上面，所以就買咗比個同事，佢話飲完之後都覺得真係好足料，飲到一絲絲嘅菠蘿。總結：我哋大家所有人飲完之後都覺得係真材實料，而且茶底亦都好認真，飲得出係用上靚材料嘅，所以就算其實價錢貴少少都會俾得開心啲，而且佢嘅杯嘅分量都好大，無話分size，飲完都幾飽😂
繼續閱讀
講起台灣嘢飲，我會諗起龜記！呢間「台灣過江龍」真係唔錯！同朋友試咗唔同類型嘅飲品想同大家分享吓 俾個參考大家！甘蔗四季春，好清新，四季春茶本身已經好香，加埋甘蔗汁嘅天然甜味，飲落去有陣淡淡嘅花香同埋甘蔗嘅清甜，完全唔會膩。微冰嘅溫度令茶味更加出眾，一分糖嘅甜度啱啱好，唔會搶咗茶本身嘅味道，飲完個喉嚨仲會有少少回甘 正！ 蘋果紅茶，如果你鍾意生果茶，呢杯蘋果紅茶真係必試！紅茶底夠晒醇厚，蘋果嘅香甜味同茶香好夾，飲落去有種好fresh嘅感覺。一分糖嘅配搭，令蘋果嘅鮮甜更加突出，但又唔會太假甜，真係好開胃，夏天飲勁岩！旺梨四季春充滿台灣風味！鳳梨嘅酸甜味好自然，同四季春茶嘅清香撞埋一齊，飲落去有種熱帶風情嘅感覺，仲有少少果肉嘅口感，好有層次！ 花沫烏龍奶茶，奶茶控一定要試呢杯！烏龍茶嘅烘焙香好濃郁，撞埋鮮奶之後，口感好滑好綿密。三分糖嘅甜度唔會太漏，仲可以飲到烏龍茶嘅回甘。加埋珍珠就更加完美，珍珠煮得啱啱好，煙煙韌韌，咬落去好有滿足感，真係一杯超邪惡但又忍唔住想飲嘅奶茶！ 柳丁翡翠，呢杯係我嘅私心推介！翡翠綠茶本身好清新，加埋柳丁汁之後，飲落去有種好明亮嘅柑橘香氣，好醒神！去冰嘅設定令茶味更加純粹，柳丁酸酸甜甜，飲完個口仲會留有綠茶嘅淡淡餘韻，超級解渴！
繼續閱讀
作為於葵涌區工作的社蓄，最期待就係放飯時間，食完午餐後同事提議買杯茶飲，於是一行五人去到新都會廣場「龜記銘茶」。今次我們點了五杯飲品，全靠五杯飲品支持我們繼續返辦公室工作。 首先我點左旺梨四季春，見係新產品未試過，作為中女同事我揀左5分糖和3分冰，果然無揀錯，十分清新可口，飲得出茶的清香與菠蘿的甜味，作為剛食飽中和一下油膩的飯後飲品十分推介。另一個中女同事落單花沬烏龍奶茶，跟從店員的推薦揀左5分糖以上，這樣能更好突出茶味，果然，茶香濃郁，搭配奶香，同事幾啖已經飲左半杯。 年青同事選擇了全糖全冰極品鮮奶茶，濃厚的奶香同茶味完美融合，口感順滑，見到同事飲得十分滿足。而柳丁翡翠去冰1分糖，清新的橙香，甜度淡淡感覺健康好多，十分清爽。最後，紅柚翡翠的微苦和清甜形成平衡，今次大家都對揀選飲品十分滿意。雖然唔係第一次買龜記，但大家都覺得佢選擇夠晒多! 另外，店員友善態度都值得一讚，落單店員會友善問糖度冰度，會按每款飲品的特點建議合適的甜度，例如奶茶不宜要低於5分糖等，讓顧客獲得最佳的飲用體驗。即使我們叫五杯飲品，但落單後製作員工動作十分迅速，完美趕得及食完午餐買好飲品準時回到工作崗位，為下午的工作注入了新的活力。
繼續閱讀
您可能會有興趣的...