犇之食堂 (已結業)

又到了銅鑼灣搵食，是晚來到超人氣的台食小店，六點多來到已是全店滿座。門面好有文青feel內裏裝飾也不錯，但滿滿都是食客不方便拍照了。宜蘭鹽酥雞（$48）跟朋友點了主食後，決定來多個小食，總覺得食台灣野不食點小吃就不完美。要了鹽酥雞，雞件香口，即炸熱辣辣，個底有幾塊蝦片墊住，都脆口，整體感覺不錯，略微不夠鹹。傳統清燉牛肉湯飯（$76）自己點了呢款泡飯，湯頭清甜，飲哂全碗都無口渴蛋花加上蔥末又滑又香，飯是珍珠米粒粒飽滿又綿綿的，好味喎。牛肉即係香港嘅牛展，軟腍有牛肉味，正。犇之三寶麵（$86）朋友點了牛肉麵，一次過有哂三樣牛肉有牛筋牛肚同牛腩，朋友話好食喎。蘿蔔無渣，麵條有咬口。湯頭香濃微辣，又係好味到飲左大半碗。珍珠奶茶＆珍珠奶綠（$26/ea）仲有唔少得嘅台飲啦，大家都叫左珍奶。朋友杯珍珠奶茶要左半糖，都幾甜，茶底香。自己杯奶綠走甜，真係一啲甜味都無㗎，珍珠非用糖去煮呢，綠茶底清香，個人覺得好好飲。台式芋圓（$36）最後仲有糖水，要左熱嘅，係黑糖薑底，不算甜，薑味辛辣，正呀有芋圓，南瓜圓，紫薯圓，彈牙有韌度，好味啊店內雖然好迫，店員怱怱忙忙的，但都係好滿足的一餐，食飽飽再行下街先。