肉肉大米

今日新城市行行，原來呢度都有肉肉大米！見唔多人排隊又食過返尋味，今次另一位朋友食😂

沙田店大好多，位置比較寬敞，等左五分鐘左右已經可入去。呢間係用自助機買好餐俾錢，然後店員會幫你安排。

沙田店味噌湯同葵芳店都係一樣，仲以為每間唔同，今次都係點三件漢堡扒！

肉肉大米最吸引都係佢開放式廚房，可以睇住店員一件件漢堡扒煎出黎

原味漢堡扒配生雞蛋最正！除左油香更有蛋香，配白飯好開胃！今次試左配芥末醬，都幾夾

芝士漢堡扒，呢邊d芝士無咁重手同澎湃，不過都已經超濃郁！建議芝士味食快d，或者早d夾落碟，如果唔係會燶晒

期間限定青咖哩口味，今次無點太多青草醬，純粹食個青咖哩都幾好味！