Mano (The L. Square)

營業中

休息中

銅鑼灣依間「MANO」真係區內人氣餐廳，即使係樓上舖位，但都座無虛席，甚少食意大利菜嘅我，都忍唔到試下。*此餐廳收取加一服務費。晚市套餐（單點$512），香草烤原條鱸魚，食落味道類似普羅旺斯焗海鱸魚，鱸魚好大條，肉質外脆內嫩，略嫌魚皮部份偏鹹，魚肉味道鮮甜，食落帶有香料味道，配料包括有意大利青瓜、意大利黃瓜、車厘茄、甘筍、小洋蔥、豆角、茄子、蒜頭、檸檬、番芫茜、百里香。巴馬火腿藜麥牛油果沙律（跟餐$0），巴馬火腿味道鹹香，牛油果口感幼滑，沙律內有藜麥、番茄、豆苗，配以蛋黃醬食用，味道清爽。是日餐湯（跟餐$0），龍蝦湯，口感濃稠，味道鹹鮮。提拉米蘇（跟餐$0），表面鋪滿可可粉，吉士糊口感幼滑，手指餅口感濕潤，食落帶有咖啡酒味道。