FLIPPER'S (已結業)

Flipper’s可以話係梳乎厘pancake嘅始祖，當香港越開越多pancake店，我同朋友就等Flipper’s人氣冇咁旺盛，即係唔洗排咁耐隊先黎試試我地食完晚飯過黎，大概8點半啦，都有一條隊，前面有10個人，等左半個鐘左右。Pancake主要有四款 - 原味、Nutella配香蕉、綠茶、士多啤梨。本身有一個期間限定係特濃三重朱古力，不過售罄同佢無緣。我地叫左一個原味，一個Nutella配香蕉。原味嘅黎先，雖然係原味，但係cream原來係有楓糖漿混合一齊！所以超級好味！Pancake同Cream都好fluffy！ Nutella配香蕉唔同就係個cream，相比起哩個cream比較俗，味道亦冇原味咁好味，朱古力味都冇我想像中咁濃咁好味，但係有榛子脆脆都幾好味。所以我建議試原味 影相趣事：我同我朋友被安排到Bar嘅角落，咁啱有幾個盆栽做裝飾，配上粉藍色牆壁，我地稱之為打卡角落！哈哈 又有燈光打燈，好容易就影到ig-able嘅相！Like like like！