影片
更多
2021-09-17
123 瀏覽
中午約咗朋友喺尖沙咀食晏，之前聽人講過「十和田總本店」唔錯，所以就去碰吓運氣睇吓有冇位😬。我哋下午一點半去到都要等位，好高人氣👏。但過多陣，兩點左右人流亦陸續散去。餐廳採用QR code落單，方便省時，等店員可以忙其他的。壽司拼叉燒湯烏冬($98)，呢個餐好豐富🍱，主食由兩部份組成，另外仲有所有午餐都會搭配嘅茶碗蒸同麵豉湯，🥚水蛋蒸得幾滑，又入味。壽司一客有六件🍣，款式指定，無得自選。壽司口味包括油甘魚、呑拿魚、蝦、魷魚、三文魚以及帆立貝，全部魚生都係厚切。三文魚可能係比咗腩位我，因為食落覺得魚肉好肥美。叉燒湯烏冬，烏冬大大碗🍜，兩塊厚叉燒富有炙燒嘅香氣，但肉質意外地有啲嚡。烏冬麵係用上粗圓身嗰種，麵質唔淋，湯底夠熱，到我差唔多食完佢仲係暖笠笠。黑松露鯛魚丼($108)，呢個飯同樣配有蒸蛋同湯，丼飯大大碗，食哂啲飯相信一定飽。🍚壽司飯落咗赤醋，所以呈啡色，但味道唔會太酸。鯛魚片色澤通透，爽口不黏，仲有成十幾片添🐟。魚上面鋪咗好多黑松露醬，香味撲鼻而來；揭開魚片更發現下低有魚籽同紫菜，組合好新穎。總括嚟講，尖沙咀難得有間唔係連鎖店、兼係中等價位嘅日式壽司店，午餐生熟食物都有啊，咁就唔驚無
中午約咗朋友喺尖沙咀食晏，之前聽人講過「十和田總本店」唔錯，所以就去碰吓運氣睇吓有冇位😬。
我哋下午一點半去到都要等位，好高人氣👏。但過多陣，兩點左右人流亦陸續散去。餐廳採用QR code落單，方便省時，等店員可以忙其他的。
壽司拼叉燒湯烏冬($98)，呢個餐好豐富🍱，主食由兩部份組成，另外仲有所有午餐都會搭配嘅茶碗蒸同麵豉湯，🥚水蛋蒸得幾滑，又入味。
壽司一客有六件🍣，款式指定，無得自選。壽司口味包括油甘魚、呑拿魚、蝦、魷魚、三文魚以及帆立貝，全部魚生都係厚切。三文魚可能係比咗腩位我，因為食落覺得魚肉好肥美。
叉燒湯烏冬，烏冬大大碗🍜，兩塊厚叉燒富有炙燒嘅香氣，但肉質意外地有啲嚡。烏冬麵係用上粗圓身嗰種，麵質唔淋，湯底夠熱，到我差唔多食完佢仲係暖笠笠。
黑松露鯛魚丼($108)，呢個飯同樣配有蒸蛋同湯，丼飯大大碗，食哂啲飯相信一定飽。🍚壽司飯落咗赤醋，所以呈啡色，但味道唔會太酸。鯛魚片色澤通透，爽口不黏，仲有成十幾片添🐟。魚上面鋪咗好多黑松露醬，香味撲鼻而來；揭開魚片更發現下低有魚籽同紫菜，組合好新穎。
總括嚟講，尖沙咀難得有間唔係連鎖店、兼係中等價位嘅日式壽司店，午餐生熟食物都有啊，咁就唔驚無嘢啱食啦。
張貼
