#HAPi Fish (普仁街) (已結業)

喺IG見到好多人去呢間餐廳 就趁着Friday lunch去試一試 希望有個 #HAPIFriday 哈哈！本身超級想食佢哋個海膽 但由於去到嘅時候已經太晏 所以冇晒🥲唯有留返下次食啦Starter 試咗佢地蟹肉凍盤 一食落去超有驚喜 原本以為佢白色嘅醬汁 係啲忌廉汁 點知原來係好清新嘅乳酪 食起上嚟個味道好夾 作為starter幾fresh! 另外佢哋個餐前麵包都好好味 熱辣辣嘅同時佢配嘅牛油同埋橄欖汁 都同麵包夾得好好 會想一路食落去嘅感覺跟住就嚟到主菜 我哋嗌左大蝦意粉 🍝 八爪魚意大利飯 同埋一個豬燉肉 大蝦意粉一共有三隻蝦 但係我哋四個人 好想叫廚師可唔可以煮多一隻 😂 整體嘅味道都還可以 不過八爪魚好似唔算好新鮮 反而最有驚喜係個燉肉 佢個汁幾好味配埋啲蘑菇我覺得撈飯會好夾！另外就係佢有杯fresh smoothie 食到嘅水果全部都好新鮮！應該係鍾意食水果嘅人嘅大愛 飲完都會覺得自己嗰日好detox 😝