更多
2023-05-02
932 瀏覽
【中西區】【HAPi】之前行經過呢間喺太平山街街口勁明顯嘅舖位好多次，但係每次都係行佢哋個零售區，餐飲區勁想試但一直無機會。終於我等到喇，眾所周知我爭個同事好多餐而佢又唔食辣，今次呢餐係一個好好嘅機會畀我哋靜靜哋食吓嘢。間嘢原來叫「#HAPi」，佢哋慶祝緊兩周年，由 12/8 去到 11/9 呢個月都有一連串推廣，我係 foodie 梗係講飲食優惠推廣。佢哋有三款嘢食仲以低於成本價格賣出，聽落都幾癲。去到就有一位叫 Elvis 嘅哥仔帶位，幾靚仔嘅。餐前揀紅白酒，我同事老奉白酒，上咗 Las Condes 嘅 Sauvignon Blanc，來自智利 Central Valley DO，一杯 $50。由於係上年嘅酒，都幾新鮮同幾 young，果香就好多樣同埋複雜。飲落都柔和，唔放太耐的話酸度都算均衡。到招呼嗰三款低於成本價嘅食物，首先係 $228 嘅半打「新鮮法國 Gillardeau 一號生蠔」，我不嬲係唔食生蠔嘅，但係見到咁肥都忍唔住試咗隻。食落海水味都算濃，我有點到辣根醬，幾夾，另外個醬係醋，同事話都 okay。第二款係 $288 嘅「日本北海道馬糞海膽」，北海道直送原版海膽，我
間嘢原來叫「#HAPi」，佢哋慶祝緊兩周年，由 12/8 去到 11/9 呢個月都有一連串推廣，我係 foodie 梗係講飲食優惠推廣。佢哋有三款嘢食仲以低於成本價格賣出，聽落都幾癲。去到就有一位叫 Elvis 嘅哥仔帶位，幾靚仔嘅。
餐前揀紅白酒，我同事老奉白酒，上咗 Las Condes 嘅 Sauvignon Blanc，來自智利 Central Valley DO，一杯 $50。由於係上年嘅酒，都幾新鮮同幾 young，果香就好多樣同埋複雜。飲落都柔和，唔放太耐的話酸度都算均衡。
到招呼嗰三款低於成本價嘅食物，首先係 $228 嘅半打「新鮮法國 Gillardeau 一號生蠔」，我不嬲係唔食生蠔嘅，但係見到咁肥都忍唔住試咗隻。食落海水味都算濃，我有點到辣根醬，幾夾，另外個醬係醋，同事話都 okay。
第二款係 $288 嘅「日本北海道馬糞海膽」，北海道直送原版海膽，我一向又係唔多食海膽，不過今次被佢個鮮甜肥美擊敗咗，配埋個紫菜起勢係咁食，仲要大大忽咁食。可憐嘅同事都唔知有冇食到一兩件，唔好意思囉咁。
跟住係 $98 嘅「夏日黑松露無花果吐司」，底層有 ricotta cheese，中層就落咗 truffle honey，頂層就有無花果、食用花同夏季黑松露，食落係幾清新，但底層個包超硬，侍應已經醒目畀把刀我，但我都覺得切好先上菜會好啲。
終於進入前菜喇，係「桃沙律」呀，將啲一片片嘅桃煎香佢，配個芝士，底層有埋個甜酸汁，味道真係好清新。我喺香港都比較少食到咁 fresh 嘅前菜，個汁同啲甜嘅桃同鹹嘅芝士各自有唔同嘅連攜加乘，可以話係相得益彰。
主菜首先係 $498 嘅「大紅蝦意大利幼麵」，最特別係啲蝦係用咗非洲莫桑比克嘅紅蝦，佢特色係蝦身大隻，食落個身嫩口但係尾部有啲似蝦乾，勁重蝦味。而意粉個汁底用咗龍蝦殼餚嘅龍蝦汁嚟煮，同事係咁話好正，笑到我。
之後係 $238 嘅「烤牛排（橫隔膜中心肉）配焗薯」，佢上面淋咗啲阿根廷青醬（Chimichurri），令到本身已經又腍又香牛味嘅牛肉有陣草香同埋帶啲酸勁去解油膩，件事幾夾。可惜佢 default 係五成熟，可能三成熟會仲正。
碟邊嘅青檸同蘆筍都清埋就直入甜品「Grandma's Carrot Cake」同「朱古力蛋糕」各一片，但都係鬼佬 size，勁大件，質感都勁厚實。前者傳統得嚟易入口，後者有啲檸檬朱古力喺裡面更邪惡。原來全部係自家製作，唔怪得。
一開始都有講呢間嘢唔止係一間餐廳，仲有商店、花店同藝術展區，每個月都會同唔同嘅藝術家合作，今期係同黃偉國合作，佢係好猛料嘅攝影師，亦都幫好多唱片、電影設計過海報同唱片封套，我哋都忍唔住睇咗一陣。
之後發現八月呢頭有個藝術節活動叫「數藝凝聚太平山街」，主題係「藝術、未來」。而我身處嘅 HAPi 係打咭活動嘅第一站，我都有玩埋成個活動，真係令我了解多咗太平山街嘅風貌，呢啲本土探索活動真心正，好完美嘅一日。。。
（地址：上環普仁街11號地下2-4號舖）
#1amfoodie #foodie #hkfoodie #thatfoodiething #hkfood #instafood #yummy #globaleats #followforfollowback #love #eat #1am中西區 #上環 #SauvignonBlanc #白酒 #法國Gillardeau一號生蠔 #生蠔 #北海道馬糞海膽 #海膽 #夏日黑松露無花果吐司 #黑松露 #桃沙律 #大紅蝦意大利幼麵 #烤牛排配焗薯 #CarrotCake #朱古力蛋糕 #數藝凝聚太平山街 #1am0768 #1ambackup
18 瀏覽
0 讚好
0 留言
張貼
