焱丸水產

營業中

休息中

呢間日本餐廳個佈置好似去咗日本嘅居酒屋咁，放工過到去坐滿人好有氣氛，一坐低首先叫咗個黑白啤先，收工梗係爽爽佢。之後分別叫咗蟹味噌甲羅燒同埋黑松露蟹肉甲羅燒，呢度其中一樣值得讚嘅地方係店員會幫手燒埋，個甲羅燒做得唔錯，每一啖都係好重嘅蟹膏味，我就比較鍾意食黑松露味嗰隻，因為真係香好多。之後就叫咗，馬刀貝同鮑魚殼燒，兩款海鮮都好新鮮，鮑魚嚟到仲識郁嘅。大家記得剪一剪個鮑魚，唔係燒嗰陣時有機會會爆。另外叫左三文魚籽帆立殼燒同醬油木魚帆立殼燒，佢呢度嘅帆立貝好甜，我比較鍾意有蕃茄嗰一隻，因為酸酸地幾好味。最後叫咗壽司盛合同埋三文魚/甜蝦刺身，佢嘅手握壽司都做得唔錯，另外三文魚好肥同埋甜蝦好大隻，食到超飽。