每次經過都大排長龍 一直都未有機會買到
琴日橫風橫雨人流少好多 母親大人5分鐘就買到
幸運嘅女兒返到屋企就有得食 真好🤣
外形脹卜卜每個都好圓好靚 中間鋪滿布甸
布甸分量唔算好多 但同麵包嘅比例啱啱好
即日常温食偏向流質 唔會好似布甸咁凝固
有啲似吉士醬滑嘟嘟 食落味道偏甜但好香
而麵包外皮就帶煙韌 中間就好鬆軟帶牛油香
本身想將另一半擺落雪櫃 試吓凍食
不過食下食下 就食晒全個了🤣
有機會買到再試吓翻熱同埋凍食先得！🤣
排隊時間唔算太耐的話 的確值得一試!
冇機會排隊的話都可以試吓佢哋其他麵包同酥餅！
