燒烤堂

營業中

休息中

夜晚收工同朋友去荃灣燒烤堂食串燒，試咗佢哋十幾款招牌串燒同小食，每樣都好好味。 鹽燒A4宮崎和牛一入口就知唔同，油脂分布均勻，燒到外焦內嫩，牛味好濃郁。海苔黑豚肉鵪鶉蛋，豚肉卷住流心鵪鶉蛋，一咬爆漿！鹽燒豚肉荔枝卷鹹甜交織，荔枝嘅甜完美中和豚肉嘅油膩。孜然豚肉韭菜花卷香氣撲鼻，孜然味好突出。 焦糖鰻魚芝士玉子燒鬆軟濕潤，入面包住鰻魚同拉絲芝士，面頭焦糖脆脆哋，口感超豐富。蟹肉芝士最中餅好有創意，脆脆嘅最中餅夾住滿滿蟹肉同芝士，冷熱交融好過癮。 和牛棒（配松露一口飯），肉汁豐盈，配埋松露飯真係絕配，店品會黎到現場刨芝士，很有儀示感。鰻魚炒飯鑊氣十足，鰻魚粒大大舊。明太子燒飯團外層脆卜卜，明太子餡鹹香惹味。 雞皮墨魚滑超特別，雞皮炸到脆脆地，包住彈牙墨魚滑，雙重口感好正。 即打芒果乳酸，酸甜清爽，解膩一流。新鮮椰青清甜解渴，飲完仲可以食埋啲椰肉。