燒味滷師 (安發大廈)

營業中

休息中

之前屋企人見呢間燒味店新開有優惠$59一隻鹽焗雞，買左反黎，全家試過之後，都覺得好好味。於是，我今日去左加料，買左客家鹽焗雞，老師傅燒腩仔，燒味佬叉燒，至尊燒鵝。~客家鹽焗雞雞肉好嫩滑，啖啖肉，加埋沙薑，味道好夾，送飯一流，可以食多幾碗飯。~老師傅燒腩仔本身以為反到屋企D皮會吾脆，點知，吾系。食落D皮脆卜卜，肥瘦分明，吾會太肥膩，值得一讚。~燒味佬叉燒肥瘦平均，肉質好軟熟，食落好juicy。加埋蜜汁，味道岩岩好。~至尊燒鵝D皮燒得好香脆，鵝肉飽滿，肉嫩多汁。食落啖啖肉，加埋秘製鵝汁，吾會太乾。味道岩岩好，食落好滋味。順便一提，間燒味店調味料俾好多，一點都吾吝嗇。