Greyhound Café (MOKO新世紀廣場) (已結業)

平日嘅下午，餐廳唔多人，突然好想食佢嘅千層蛋糕，見到竟然有tea set，即刻試一試。平時單件$75，依家$68包野飲。兩頭望不停揮手，好耐都冇人黎落單，原來咁大個場只有兩個服務員，可能下午茶時間好多人休息緊。*椰子千層蛋糕*最欣賞嘅係蛋糕好大件，比起其他Cafe嘅袖珍size，呢件算係非常慷慨。裏面有滿滿嘅新鮮椰子肉，加上千層蛋糕嘅忌廉，非常好食而且唔會太甜。不過椰子千層蛋糕嘅忌廉比其他口味多好多，如果係原味就唔會有咁多忌廉，怕忌廉嘅可以揀其他口味。