武士拉麵 (已結業)

雖然呢間拉麵鋪細細間只有幾個座位，但見到客人同老細傾閒計，就覺得呢間鋪頭好有人情味。呢間鋪頭係one-man shop，即係老細負責曬所有野，覺得佢好有熱誠。柚子魚介Wasabi沾麵 $118首先想講下個湯，食過咁多間沾麵鋪呢間算係最多湯，飲完啲湯啱啱好清曬個麵，而且個味道好多元，比較上層既湯係先有柚子果種fresh味之後有魚介果種鹹味最後有少少wasabi既回甘，而底層既湯就會係wasabi味重少少，不過係唔會攻鼻既，只會feel到少少麻。唯一唔夠好既就係個湯唔夠杰身。麵又係抵讚，我嗌左粗硬，份量好多，而且麵身好彈牙好煙韌。叉燒有兩大塊，雖然肉汁唔算多，但都算淋身。我反而更鍾意湯裏面既肉粒，唔單止吸收到個湯既精華，仲有好香濃既肉汁，而且份量都幾多。