影片
更多
2012-11-18
614 瀏覽
8月11日, 金御海鮮酒家呢個舖位喺我細細個嘅時候曾經係一間老牌酒樓, 每逢週末我地都會全家出動去酒樓享受天倫樂~ 隨住天后慢慢發展成為新型潮食地區, 酒樓生意亦慢慢轉差, 最後結業收場. 而呢個超大舖位就開始經歷佢被長期凋空嘅命運, 更加試過轉型變成老人院等等… 如今佢又以酒樓姿態回歸, 今日就趁星期日再同家人一齊嚟天倫樂一下~::: 金御鮮蝦餃 ::: 蝦餃皮都算薄, 可以見到入面橙色嘅蝦肉~ 餃皮煙韌, 估唔到d蝦肉都幾大隻, 食落仲幾鮮味彈牙添! ::: 原隻鮮蝦燒賣皇 ::: 呢度d蝦用料確係唔錯, 連燒賣隻蝦都係大大隻的. 一口咬落燒賣, 內裡豬肉餡亦鬆軟多汁~ 唔錯唔錯~::: 鮮蝦菜苗餃 ::: 鮮蝦菜苗餃其實就係蝦餃嘅變奏, 只係形狀稍有不同. 煙韌餃皮內同樣有彈牙嘅鮮蝦, 仲多咗d豆苗香~ 不過加咗菜個餃都唔見得有比蝦餃清淡.::: 即焗雪山叉燒包 ::: 好明顯就係順應時下潮流而生嘅雪山叉燒包, 當然唔可以同添好運嘅鎮店招牌相提並論. 但呢度都標榜係即焗, 所以雪山叉燒包一上台都係新鮮熱辣~ 個雪山皮都夠脆, 叉燒餡味道都夠juicy, 但肉質就韌咗d, 個包就甜
::: 金御鮮蝦餃 :::
蝦餃皮都算薄, 可以見到入面橙色嘅蝦肉~ 餃皮煙韌, 估唔到d蝦肉都幾大隻, 食落仲幾鮮味彈牙添!
::: 原隻鮮蝦燒賣皇 :::
呢度d蝦用料確係唔錯, 連燒賣隻蝦都係大大隻的. 一口咬落燒賣, 內裡豬肉餡亦鬆軟多汁~ 唔錯唔錯~
::: 鮮蝦菜苗餃 :::
鮮蝦菜苗餃其實就係蝦餃嘅變奏, 只係形狀稍有不同. 煙韌餃皮內同樣有彈牙嘅鮮蝦, 仲多咗d豆苗香~ 不過加咗菜個餃都唔見得有比蝦餃清淡.
::: 即焗雪山叉燒包 :::
好明顯就係順應時下潮流而生嘅雪山叉燒包, 當然唔可以同添好運嘅鎮店招牌相提並論. 但呢度都標榜係即焗, 所以雪山叉燒包一上台都係新鮮熱辣~ 個雪山皮都夠脆, 叉燒餡味道都夠juicy, 但肉質就韌咗d, 個包就甜咗少少… 同添好運比係爭咁d, 但都算食得過架喇!
::: 蛋黃流沙包 :::
蛋黃流沙包係出乎意料嘅流! 包身軟熟, 中間流沙蛋黃餡油潤香甜, 食到有起晒沙嘅粒粒鹹蛋黃, 味道鹹香豐富~ 好味~
::: 潮州蒸粉果 :::
媽媽最愛~ 皮略厚, 但內裡餡料足, 味道濃惹, 都唔錯!
::: 鮮蝦春卷 :::
鮮蝦春卷大大碌, 炸得夠脆亦唔算油. 餡料嘅蝦就無蒸餃咁鮮, 整體味道亦較清, 要點喼汁食先得~
::: 金球咸水角 :::
鹹水角頗香脆, 不過皮略厚, 餡較少. 唔係差~ 不過都唔係好好~
::: 芝麻脆蛋散 :::
係屋企人叫嘅~ 望落個樣已經油淋淋, 再加埋d甜到漏嘅糖醬… 絕對唔會係我地杯茶…
::: 蜜汁叉燒腸 :::
腸粉皮偏厚, 亦有少少黐埋一patpat, 叉燒餡亦一般, 普通.
::: 鮮竹浸娃娃菜 :::
叫咗咁多點心諗住都叫番個菜平衡下~ 平時都係食d上湯白灼蠔油時菜多, 但今日見到呢個鮮竹浸娃娃菜又覺得好吸引! 不過個名吸引又唔代表好食, 鮮竹湯其實係同水無乜分別, d娃娃菜又偏硬… 成碟野都係無味的…
可能地方大, 星期日午市呢段時間呢度半場都坐唔滿… 可能仲係新未有好多人知道. 環境新裝修, 都幾企理舒服, 仲有一列大玻璃透進窗外維園綠樹風景, 景觀都幾開揚~ 我地飲飲下茶外面突然落大雨, 全家都覺得再坐一陣都幾舒服~ 如果keep住都唔洗等位有茶飲, 呢度都係個唔錯嘅選擇!
張貼