影片
更多
2022-07-21
520 瀏覽
地址－炯記餐室 (北角)北角英皇道376-380號美麗閣地舖💋鹽焗手撕雞(半隻)，呢碟雞因為有半隻關係，所以份量都唔少，而佢味道剛好，唔算話好鹹，D雞味都冇被遮蓋到，肉質彈牙，配埋有少少雞皮一齊食，層次豐富。💋冬菇醬皇豬手(例牌)，呢個醬汁唔算話好多，但都每件豬手都掛到醬汁，唔錯，佢D醬汁偏甜，剛好可以減輕一下豬手的油膩感，而佢豬手都幾大隻，每隻都炆到好淋，基本上唔使點用牙都可以輕鬆食到，正，佢D冬菇數量都唔少，每隻都大隻而且彈牙，炆得好入味。💋麻辣雞腎及酸辣雲耳，佢個雞腎食落幾爽口，幾辣下，我朋友食左幾舊都頂唔順，咁我只好做下好人，幫下佢食囉，佢種辣係有層次的，麻味會稍後出現，唔錯，而佢酸辣雲耳就酸酸辣辣咁，食落幾開胃。💋太子鵝油撈麵，我都係第一次食呢個鵝油撈麵，佢係用左粗麵黎撈，所以用最多的面積，掛滿最多的醬汁，正，而D麵質都幾爽口彈牙，有D舖頭D粗麵我唔明點解可以做到嚡身，但好彩呢度冇呢個情況，佢鵝油可以食得出淡淡的鵝香，而配合豉油撈埋一齊，帶一點甜味，正，建議能夠食辣的朋友，可以加入枱上的辣椒油一齊食，味道會更加出眾。💋是日靚湯，今日呢個湯係雞腳湯，味道濃郁唔錯，佢湯裡都有埋配
北角英皇道376-380號美麗閣地舖
💋鹽焗手撕雞(半隻)，呢碟雞因為有半隻關係，所以份量都唔少，而佢味道剛好，唔算話好鹹，D雞味都冇被遮蓋到，肉質彈牙，配埋有少少雞皮一齊食，層次豐富。
💋冬菇醬皇豬手(例牌)，呢個醬汁唔算話好多，但都每件豬手都掛到醬汁，唔錯，佢D醬汁偏甜，剛好可以減輕一下豬手的油膩感，而佢豬手都幾大隻，每隻都炆到好淋，基本上唔使點用牙都可以輕鬆食到，正，佢D冬菇數量都唔少，每隻都大隻而且彈牙，炆得好入味。
💋麻辣雞腎及酸辣雲耳，佢個雞腎食落幾爽口，幾辣下，我朋友食左幾舊都頂唔順，咁我只好做下好人，幫下佢食囉，佢種辣係有層次的，麻味會稍後出現，唔錯，而佢酸辣雲耳就酸酸辣辣咁，食落幾開胃。
💋太子鵝油撈麵，我都係第一次食呢個鵝油撈麵，佢係用左粗麵黎撈，所以用最多的面積，掛滿最多的醬汁，正，而D麵質都幾爽口彈牙，有D舖頭D粗麵我唔明點解可以做到嚡身，但好彩呢度冇呢個情況，佢鵝油可以食得出淡淡的鵝香，而配合豉油撈埋一齊，帶一點甜味，正，建議能夠食辣的朋友，可以加入枱上的辣椒油一齊食，味道會更加出眾。
💋是日靚湯，今日呢個湯係雞腳湯，味道濃郁唔錯，佢湯裡都有埋配料，好似話我知佢地係真材實料咁。
💋郊外油菜(一碟)，侍應落單時問左我地要生菜定菜心，我地揀左生菜，佢個醬汁食落清得黎帶一點甜味，幾特別。
💋特飲，佢個餐最正係包埋特飲，咁我地當然叫黎飲下啦，咁我地揀左鹹檸7同埋檸檬可樂，呢兩杯飲品可以話為呢個炎炎夏日帶黎一點清涼的感覺，爽！
張貼
