蟹慶 (已結業)

今日啱啱考完試,約埋朋友嚟呢間餐廳食餐勁嘅,正所謂人一世物一世,得羅地嗌左個兩人份嘅豪華套餐，包括有沙律，鵝肝多士，刺身拼盤同埋好多蟹。記得如果想食呢個餐記得留返個肚，因為份量真係好多，基本上食到個毛蟹嘅時候我哋都有啲飽。話就話主要食蟹，但其實個刺身嘅質素都好高，另外就係個燒喜之次，一上枱果下已經聞到係好香，食落去個油份好高，好香口，你會明點解呢一種魚可以賣到咁高價錢。另外2款蟹都幾好食，搭埋蟹醋來味道好鮮甜，如果係當做季節食一定會更加好味。如果各位朋友鍾意日本清酒，呢度有一個自助嘅清酒櫃，可以試到唔同嘅款式，幾新穎。總結來講，呢個餐我自己覺得都幾抵食，但大家一定要留肚嚟食，如果唔係餐廳裏邊其實都有好多其他選擇，價錢都好合理，下次如果過嚟都想試埋其他。