京林屋 (希慎廣場)

營業中

休息中

今日再次嚟到銅鑼灣必食之選嘅京林屋，京林屋嘅甜品同飲品一流就係人都知，但今日我同朋友就約埋響度食埋飯，原來水準都一樣相當唔錯！我地首先點左一客京式鰻魚定食同埋一份包羅萬有嘅和食料理，兩者都極具高級日式料理店的風味，特別係和食料理真係好豐富，每種配菜都好好味，我同朋友都食得好飽好滿足。飲品方面跟餐揀左一杯熱玫瑰花蘋果茶同埋我每次嚟京林屋都要飲嘅至愛嘅焙荼牛奶忌廉熱飲，京林屋在茶方面嘅處理真係相當出色同講究，熱水泡開後嘅淡淡茶香，在香港真係好難再搵到另一間有如此高水平。嚟到京林屋當然唔少得食埋甜品，最後我地點嘅係法式聖馬克抹茶蛋糕🍰，另外亦有幸試到限量嘅「櫻花蛋捲」。京林屋嘅抹茶蛋糕一向都係招牌甜品，抹茶味既香且濃，令人愛不釋手，而今次試到嘅櫻花蛋捲更加用上左抹茶忌廉，非常惹味，有機會一定要試下。