川淮居 (已結業)

川淮居幫襯多次，但第一次寫食評，呢度價錢唔算平，徐非你有信用卡優惠。講下今今晚食幾道菜夫妻肺片夫妻肺片的份量唔多，個醬汁做得非常之刺激，食到流鼻涕，但係做得好好味👍🏻脆鱔脆鱔表面嘅蜜汁甜甜哋加埋配上嘅子薑，非常之配合，脆鱔正如個名一樣，好脆好熱，每條都非常香口，呢味菜唔係好多餐廳食得到，簡直係呢度嘅招牌菜。👍🏻👍🏻松鼠魚松鼠魚嘅醬汁甜度酸度黏度做得啱啱好，魚肉相當之脆口，不過就係唔熱，呢個要扣分。四川回鍋肉四川回鍋肉聽落好普通，但個醬汁做得好香濃而帶辣，食落開胃可能因為加咗好多菜，亦減低肥膩感，跟四個荷葉餅，熱辣辣，伴埋一齊食好配合。👍🏻酒釀丸子酒釀丸子好普通無特別，比起霞小飛嘅酒釀丸子，差九條街！蜜汁茡薺餅蜜汁茡薺餅個面洒滿芝麻，入口脆，裡面又熱又軟，加上面頭蜜汁同甜入心，食完想再食，必吃甜品推介👍🏻