影片
更多
2017-09-26
966 瀏覽
星期日總是覓食放鬆既好時間女皇一向都中意食日本菜，所以今日就決定要帶佢去感受下日式既廚師發板“Omakase”“Omakase”一向都唔平，而午餐價格相對平少少，所以就帶女皇中午黎享受師傅對既心思同手藝晚市既“Omakase”最便都要過千，而中午就比較相宜HKd$880+10%一位先送上既係一啲冷盤前菜：有“冷鮑魚”、“三文魚籽配三文魚軟骨”、“玉米豆腐”及“蟹肉水雲醋”呢幾款前菜既賣相都精巧細緻，而味道就冰涼帶酸，當中既鮑魚既鮮又腍，水雲醋既清新酸味則教人胃口大增隨之而來既就係不同種類既刺身：“柚子啫喱配鯛魚”、“赤鯥魚拼日本象拔蚌”、“冷漬生蠣”同“生拖羅”每一款都係嚐鮮既滋味，當中既“赤鯥魚拼日本象拔蚌”令我印象最深，赤鯥魚鮮甜肥美而毫不膩口；象拔蚌爽而鮮，個種鮮甜既味道仲會留喺口腔，令人回味女皇亦都好欣賞佢地既拖羅，呢件拖羅已經調左味，唔需要沾上任何汁醬就可以連同面頭既拖羅蔥蓉一同放入口，感受無筋拖羅既肥美鮮嫩食完一輪刺身，之後就係暖笠笠既“松茸湯”清一清個口就可以食煮物“汁煮立魚”，魚鮫部位肉質嫩身-之後就到此店著名既“天婦羅”，無論係大蝦、帶子定鰻魚，每一款既外皮都係炸得薄
女皇一向都中意食日本菜，所以今日就決定要帶佢去感受下日式既廚師發板“Omakase”
“Omakase”一向都唔平，而午餐價格相對平少少，所以就帶女皇中午黎享受師傅對既心思同手藝
晚市既“Omakase”最便都要過千，而中午就比較相宜HKd$880+10%一位
先送上既係一啲冷盤前菜：有“冷鮑魚”、“三文魚籽配三文魚軟骨”、“玉米豆腐”及“蟹肉水雲醋”
呢幾款前菜既賣相都精巧細緻，而味道就冰涼帶酸，當中既鮑魚既鮮又腍，水雲醋既清新酸味則教人胃口大增
隨之而來既就係不同種類既刺身：“柚子啫喱配鯛魚”、“赤鯥魚拼日本象拔蚌”、“冷漬生蠣”同“生拖羅”
每一款都係嚐鮮既滋味，當中既“赤鯥魚拼日本象拔蚌”令我印象最深，赤鯥魚鮮甜肥美而毫不膩口；象拔蚌爽而鮮，個種鮮甜既味道仲會留喺口腔，令人回味
女皇亦都好欣賞佢地既拖羅，呢件拖羅已經調左味，唔需要沾上任何汁醬就可以連同面頭既拖羅蔥蓉一同放入口，感受無筋拖羅既肥美鮮嫩
食完一輪刺身，之後就係暖笠笠既“松茸湯”清一清個口就可以食煮物“汁煮立魚”，魚鮫部位肉質嫩身
-
之後就到此店著名既“天婦羅”，無論係大蝦、帶子定鰻魚，每一款既外皮都係炸得薄而鬆脆，絕不油膩！連平日甚少食“天婦羅”既我地都對此讚口不絕，的確十分出色
-
跟住就係壽司既一環：“生秋刀魚壽司”同“鰤魚壽司”
秋刀魚平日都係熟食多，自己亦都無話偏好燒秋刀魚，但估唔到刺身既秋刀魚係咁鮮嫩同肥美，同熟食既感覺完全唔同，對於我黎講真係好有驚喜
而鰤魚刺身既面加上如絲般既炸洋蔥，入口除左食到魚鮮之外再添上一份清甜，令壽司既層次同味道都有所提升
咸食既部份就以一小碗既“海膽貝柱撈”為作結，精小既一碗就能夠同時品嚐到濃郁既海膽混合貝類既鮮味，加上煙韌香軟既米飯，每一口都讓人回味
而甜品方面，當天可選擇“水玄信餅”或者“雪糕”，既然女皇揀左雪糕，我就要水玄信餅啦
晶瑩剔透既玄餅加上黃豆粉同黑蜜糖，清而不甜膩；而旁邊既生果甜度滿分，固然好食
最後喝上一口暖暖既熱茶，更係令人覺得優閒自在，舒暢無比
雖然呢頓午膳一啲都唔平，但能夠可以同女皇一齊享受到美味又高質素既日本料理，佢又食得開心滿足，呢一點就經已值得
張貼
