莆田 (已結業)

今日同朋友去咗屯門行街，屯門市中心而家多咗好多新開嘅餐廳，行到攰攰地我哋就去咗莆田享受一個下午茶。店舖入邊客人唔算多，可以好好地傾吓計放鬆一下。我叫左一個下午茶餐，會有兩個頭盤，我選擇咗番薯包同白米糕，你個番薯包充滿咗番薯味，最重要嘅係佢嘅麵粉好特別，同出面一般嘅蒸包唔同，佢個質感係好煙煙銀銀，而且好實淨。佢嘅白米糕就好似白糖糕咁甜甜地，一樣係煙煙銀銀，食完呢兩個頭盤，已經有五六成飽啦興化米粉係主菜啦配料唔算多，只係得壹隻蝦同兩隻貝類，但勝在個米粉有別於一般嘅米粉，質感好乾身而且有鑊氣，入口彈牙，而且份量以下午茶黎計都唔算少。