Amici (已結業)

中環有好多裝修華麗嘅餐廳， Amici 係其中一間令我有驚嘆感覺嘅餐廳。餐廳地方不大，但裝潢精緻，枱椅均以寶藍色為主，配以雲石枱面， 再帶一點歐陸式既古典味，奢華貴族品味盡現，適合一衆女士打卡上面書。 而家做緊special promotion，只要夠500蚊就會免費獲贈一客鮑魚鵝肝或者是日甜品。 點完餐即上餐包兩款， 兩款嘅口感味道都唔同。左邊嘅餐包上層鋪滿芝士，味道較濃而脆。右邊嘅餐包較為鬆軟易入口。dinner set 入面包左餐湯，餐湯係自家製嘅雜菜湯，雜菜湯係由新鮮蔬菜調製，味道較清淡蕃茄味，蔬菜均帶口感。 鵝肝鮑魚，呢個配搭都幾新穎。 鵝肝煎得好香，味道濃郁， 口感幼滑入口即溶。鮑魚彈牙軟淋， 整個配搭出奇地好味。 dinner set嘅 大蝦蕃茄沙律，大蝦好新鮮彈牙，燒得剛熟，蝦味濃郁。番茄同蔬菜都好新鮮，好開胃。 主菜我哋選擇咗慢煮牛柳及蟹肉配蛋黃香草汁。蟹肉 有蟹味，口感特別。牛柳雖然冇得選擇幾多成熟， 但係牛肉經慢煮之後軟淋無比，又唔覺得太生， 牛肉味濃郁，配合蛋黃香草汁 令人回味無窮， 就連啲蔬菜都燒得好香口 惹味。 另外我哋叫咗一個main course， 紐西