燒肉屋 (清風街)

上星期happy Friday特登走落天后搵嘢食，清風街呢頭都有好多嘢食，行過見到有間燒肉就入去試吓，星期五好應該比自己放縱吓🤣見到個午市商務二人餐（$399）都幾豐富，包沙律、兩個定食、一份燒肉、兩個雪糕同兩杯飲品～八爪魚柚子醬醋沙律個柚子醬幾好食同開胃，八爪魚亦都唔韌～燒肉就揀咗四味五花肉，有黑椒鹽、韓式醬、果汁醬、同埋蔥蒜味，我就比較鍾意果汁醬調味，食落比較fresh啲同埋冇咁油膩～因為最主要想食燒肉，所以定食淨係叫咗個火焰四色刺身丼，另一個都係叫咗個爽脆豚肉。刺身丼質素正常，三文魚同埋左口魚啲油香都唔錯～飲品方面就揀咗Coke Zero，而雪糕就係本地品牌，芒果味都幾香，啱晒食完燒肉之後食😋