影片
更多
2022-09-03
151 瀏覽
若不是朋友在此設局，我都唔知道，原來權八既總廚輝師傅，悄悄地過左嚟呢度發展。吃東西，當然是吃店方最耍家的。今期輝師傅極力推介呢個五色養生套餐，那就不作他選。二人前既套餐，有海膽有鍋物，收費$1388，好合理吧！大家咁高興，一於開枝日本氣酒，甜甜地易入口，男女都岩飲。打頭炮既係日本溫室番茄，皮薄多汁，放些鹽來突出番茄的香甜，道理大概如吃西瓜加鹽一樣。沙律並不是一般貨色，而係北海道粟米伴松葉蟹飛魚子沙律。北海道白粟米清甜，人人皆知。以往多半是就咁咬，將佢拆粒，再撈埋一梳梳的松葉蟹肉，以及脆卜卜既飛魚子同吃，份外清新。之後既赤蝦刺身好有驚喜。本身爽脆彈牙的赤蝦，伴以清新的柚子啫喱，夾檔之餘，有助趕走暑氣，亦可以打開胃口。再來，是日本山藥與赤身的組合，前者爽甜，赤身以醬油漬過後，味道更突出，一口山藥一口赤身，感覺沒那麼單調，但我覺得如果可將山藥磨成蓉既話，會更吸引。又其實，佢仲有另一款食法，就係包紫菜。紫菜包赤身，根本無得輸。跟住有香港人最愛既迷你海膽飯，海膽鮮味爆燈不在話下，呢度更贏在細節位。用上佐賀的有明海苔，其咸香的味道令成件事更上一層樓。茶碗蒸細滑溫度足，睇見面頭的帆立貝，就知道非一般
若不是朋友在此設局，我都唔知道，原來權八既總廚輝師傅，悄悄地過左嚟呢度發展。吃東西，當然是吃店方最耍家的。今期輝師傅極力推介呢個五色養生套餐，那就不作他選。
二人前既套餐，有海膽有鍋物，收費$1388，好合理吧！
大家咁高興，一於開枝日本氣酒，甜甜地易入口，男女都岩飲。
打頭炮既係日本溫室番茄，皮薄多汁，放些鹽來突出番茄的香甜，道理大概如吃西瓜加鹽一樣。
沙律並不是一般貨色，而係北海道粟米伴松葉蟹飛魚子沙律。北海道白粟米清甜，人人皆知。以往多半是就咁咬，將佢拆粒，再撈埋一梳梳的松葉蟹肉，以及脆卜卜既飛魚子同吃，份外清新。
之後既赤蝦刺身好有驚喜。本身爽脆彈牙的赤蝦，伴以清新的柚子啫喱，夾檔之餘，有助趕走暑氣，亦可以打開胃口。
再來，是日本山藥與赤身的組合，前者爽甜，赤身以醬油漬過後，味道更突出，一口山藥一口赤身，感覺沒那麼單調，但我覺得如果可將山藥磨成蓉既話，會更吸引。又其實，佢仲有另一款食法，就係包紫菜。紫菜包赤身，根本無得輸。
跟住有香港人最愛既迷你海膽飯，海膽鮮味爆燈不在話下，呢度更贏在細節位。用上佐賀的有明海苔，其咸香的味道令成件事更上一層樓。
茶碗蒸細滑溫度足，睇見面頭的帆立貝，就知道非一般蒸蛋可以媲美。
平身唔太熱衷食燒魚，不過呢個燒香魚又唔同，一口咬下，魚油香加埋燒香的魚皮，令我不禁一啖又一啖，滋味無盡。
是晚主角，要數到呢個鍋物。天草大王雞，比一般雞種大得多，肉質彈牙而不韌。呢碟雞只係用上雞髀肉，而且有咁大份，認真唔嘢少。配既係白味噌湯，醇和既湯底正好帶出雞肉的香甜。食完雞，食完菠菜、白菜、杏鮑菇、金針菇等多款菜蔬之後，湯底變得更甜更吸引，完全唔講得笑。
甜品係南瓜丸子豆腐雪糕，估唔到個雪糕豆香味咁濃郁，結合軟糯的小丸子同吃，為今餐劃上完美既句號。
張貼
