影片
更多
2021-10-08
63 瀏覽
近期鍾意同朋友去酒吧餐廳食飯，今日我地就嚟咗依間位於旺角頂樓嘅Bar。一入餐廳門口就俾窗口嘅景色吸引住🤤。依間餐廳都幾多選擇，連Dry aged扒都有🤤。咁我同朋友都散叫咗幾樣嘢咁，咁依家就同大家講下啦😛。叫完嘢食侍應就已經拎咗份黑欖包，少少鹽幾好食，同埋有啲特別嘅香味。首先就講下嗰前菜先，香煎北海道帶子配雜菌忌廉汁（$188）。咁佢就有兩粒都幾大下嘅帶子，帶子食落好腍，住得啱啱好👍🏻。另外佢嗰雜菌忌廉汁同佢嗰帶子都好夾🤤🤤🤤。汁㗎雜菌味唔會太重，可以令帶子嘅鮮味更出👍🏻👍🏻。講下嗰湯先，黑松露野菌忌廉湯（$128），依個忌廉湯黑松露味幾出，但我覺得成個湯嘅味道可以咸多少少，咁樣就perfect喇🤤。主菜我就叫咗嗰烤銀鱈魚扒（$248），咁份銀鱈魚扒都真係幾大份。佢烤得幾好，因為一嚟佢塊皮夠哂脆，二嚟好香魚油味。食落個魚扒真係好滑好好食😍😍。另外佢有啲應該係白酒汁嘅汁佢配依個銀鱈魚扒食，係好夾嘅👍🏻👍🏻👍🏻。跟住就叫埋嗰甜品，驚喜拼盤（$128）。依個係一個有得玩嘅甜品嚟，中間會有一個俾你扑爛嘅朱古力，入邊係會有嗰蛋糕仔咁嘅。側邊都有四舊蛋糕仔嘅，係一個好適合分享嘅甜品👍🏻。另外我重叫
近期鍾意同朋友去酒吧餐廳食飯，今日我地就嚟咗依間位於旺角頂樓嘅Bar。一入餐廳門口就俾窗口嘅景色吸引住🤤。
依間餐廳都幾多選擇，連Dry aged扒都有🤤。咁我同朋友都散叫咗幾樣嘢咁，咁依家就同大家講下啦😛。叫完嘢食侍應就已經拎咗份黑欖包，少少鹽幾好食，同埋有啲特別嘅香味。
首先就講下嗰前菜先，香煎北海道帶子配雜菌忌廉汁（$188）。
咁佢就有兩粒都幾大下嘅帶子，帶子食落好腍，住得啱啱好👍🏻。另外佢嗰雜菌忌廉汁同佢嗰帶子都好夾🤤🤤🤤。汁㗎雜菌味唔會太重，可以令帶子嘅鮮味更出👍🏻👍🏻。
講下嗰湯先，黑松露野菌忌廉湯（$128），依個忌廉湯黑松露味幾出，但我覺得成個湯嘅味道可以咸多少少，咁樣就perfect喇🤤。
主菜我就叫咗嗰烤銀鱈魚扒（$248），咁份銀鱈魚扒都真係幾大份。佢烤得幾好，因為一嚟佢塊皮夠哂脆，二嚟好香魚油味。食落個魚扒真係好滑好好食😍😍。另外佢有啲應該係白酒汁嘅汁佢配依個銀鱈魚扒食，係好夾嘅👍🏻👍🏻👍🏻。
跟住就叫埋嗰甜品，驚喜拼盤（$128）。依個係一個有得玩嘅甜品嚟，中間會有一個俾你扑爛嘅朱古力，入邊係會有嗰蛋糕仔咁嘅。側邊都有四舊蛋糕仔嘅，係一個好適合分享嘅甜品👍🏻。
另外我重叫咗杯Dry Martini($88)。
我覺得依間嘢除咗食物質素好之外，員工嘅質素都好好👍🏻。好到我覺得可以媲美有米芝連星星嘅餐廳，佢地係會好主動幫你地影相，講嘢亦會有一種人情味係到。一間好嘅餐廳除咗食物質素重要，都應該注重員工嘅質素，依間餐廳就兩樣嘢都做得好好喇👍🏻
張貼
