西塘花記 (已結業)

果日路過呢間鋪，見到呢個色彩繽紛既餃子就即刻被吸引，從來未見過咁靚既餃子，而且值得安心係鋪內標榜全部顏色都係又天然植物汁而成，例如紅色係莧菜火龍果汁、黑色係墨汁、黃色係南瓜汁。外型咁靚又健康，咁一定要入去試下啦。鋪內環境都唔錯，沒有一般餃子店的擁擠，牆上裝飾了荷花畫，感覺古色古香。除左餃子，仲有許多小食選擇。我地就叫左兩款餃子、一款小食同兩杯飲品一齊食。招牌五福水餃$78分別有五款，每款兩隻，黎到見到一盤唔同顏色既水餃真係好開心，而且一次過可以試曬咁多味道，啱曬選擇困難症既我最愛no1係海三鮮水餃，用左墨魚汁整成既面皮外表非常黝黑，內陷有蟹柳、元貝同蝦仁，整體口感最飽滿最鮮味並列no1既係紅色既番茄牛肉，一咬落爆曬肉汁，牛肉味同番茄味非常夾，而且油脂味香濃，好好食。素三鮮同冬菇豬肉餃都是好食的，餃子皮非常有咬口，包既陷都好豐富，不過呢兩款味道就其他地方都食過，所以不算非常令人驚喜。最特別就係剁椒魚肉餃了，從來沒有想像過呢個配搭，入面係魚肉膠同剁椒，口感彈牙，不過因為好似魚蛋咁紮實，所以呢款餃子係沒有肉汁的，這裡扣分了。雨花石水餃$72外皮呈現七彩顏色，馬蹄很爽脆，豬肉也很多肉汁，不錯。