九重鮮 (已結業)

紅磡不嬲多野食，連韓式蒸氣鍋都有，今日就同friend一齊去食，環境幾闊落都坐得幾舒服，叫左個五層既首爾塔，同埋兩杯野飲。我地試左隻韓式果汁，有十隻味揀，我要左蘆薈味，非常好飲，而友人叫既梨汁就偏甜。等左一陣終於可以開餐！頂層係蚌同蟶子，非常大隻同鮮味。第二層就係扇貝、蝦、仲有金菇、絲瓜、豆腐。全部嘢食都好鮮味。第三層有勁大隻蜆肉同埋魚柳。至於第四層，有南瓜、蜆肉、北寄貝、蟹、南瓜，連芝心丸都有，已經覺得有啲飽。仲有第五層架！有牛脷冬菇鮑魚番薯粟米，同埋黑色嘅墨魚丸，真係超級豐富呀！最後就係素菜鮮魚粥，粥底吸盡海鮮精華，加埋配料蜆肉同年糕，就算覺得飽都忍唔住清晒成煲！埋單計埋加一都八百幾蚊，雖然係貴d，不過好滿足！