影片
更多
2008-02-13
33 瀏覽
年初四拜完年, 約左屋企人去九龍城食晚飯, 原本念住去創發, 點知初十先開, 果然勁!!之後搵左好耐先搵到呢一間, 雖然我係九龍地大, 但係真係未試過樂口福, 可能因為屋企人覺得唔底食過年出街食飯都預左煩, 等位, 唔夠火記…等等, 不過大家就下就OK結果位就唔洗等, 單就要自己寫, 火記都算有禮貌放底紙同筆, 都幾攪笑, 不過佢地真係勁唔夠人, 最後點左菜旦燉翅, 石榴雞, 火腿大芥菜, 潮洲炒麵(白色麵), 芋泥同水晶包, 落單時都幾驚, 因為後面張抬同個伙記嘈得好大聲, 先講食物, 等等再講佢地攪笑對話菜旦燉翅, 味道偏清淡, 但夠雞味, 翅足料, 雖然平時我比較鐘意濃味, 但係我都好鐘意呢個翅石榴雞, 手工一流, 念住係呢D時候, 師傅實馬馬虎虎, 點知品質依然保持得好好, 蛋白皮煎得好靚, 包得好實, 賣相好好, 味道唔錯火腿大芥菜, 認同我阿媽所講, 係食過最好, 因為阿媽係潮洲人, 所以從細就成日有機會食, 但出街食就通常得唔夠香同好苦, 樂口福得好甘, 加埋火腿香味, 正!!潮洲炒麵, 就差少少, 唔夠乾身, 味道唔錯水晶包, 因為太早黎, 所以凍左少少, 皮變硬左少少
之後搵左好耐先搵到呢一間, 雖然我係九龍地大, 但係真係未試過樂口福, 可能因為屋企人覺得唔底食
過年出街食飯都預左煩, 等位, 唔夠火記…等等, 不過大家就下就OK
結果位就唔洗等, 單就要自己寫, 火記都算有禮貌放底紙同筆, 都幾攪笑, 不過佢地真係勁唔夠人, 最後點左菜旦燉翅, 石榴雞, 火腿大芥菜, 潮洲炒麵(白色麵), 芋泥同水晶包, 落單時都幾驚, 因為後面張抬同個伙記嘈得好大聲, 先講食物, 等等再講佢地攪笑對話
菜旦燉翅, 味道偏清淡, 但夠雞味, 翅足料, 雖然平時我比較鐘意濃味, 但係我都好鐘意呢個翅
石榴雞, 手工一流, 念住係呢D時候, 師傅實馬馬虎虎, 點知品質依然保持得好好, 蛋白皮煎得好靚, 包得好實, 賣相好好, 味道唔錯
火腿大芥菜, 認同我阿媽所講, 係食過最好, 因為阿媽係潮洲人, 所以從細就成日有機會食, 但出街食就通常得唔夠香同好苦, 樂口福得好甘, 加埋火腿香味, 正!!
潮洲炒麵, 就差少少, 唔夠乾身, 味道唔錯
水晶包, 因為太早黎, 所以凍左少少, 皮變硬左少少
芋泥, 因為趕住車, 所以冇試, 不過我都冇乜興趣, 因為太甜, 阿媽就一定要食, 佢出街食潮洲菜主要原因就係為左食芋泥
食物整體都係水準之作, 不愧係五十年老店!!
價錢就真係好貴…
服務都老店獨有…
D老伙記就絕對唔比面, 講返單攪笑嘈交事件, 話說對面抬都未黎就上糖醋麵, 個客好聲好氣同個伙記講, 未食點食甜品, 個伙記一句上左冇辨法, 食啦…就想走, 個客住碟麵追, 伙記就返碟放返落個客張抬, 話等陣幫佢攪, 成機閃, 個客成餐就一路叫人走碟麵, 到最後老闆母經過, 個客捉住佢勁嘈, 老闆母就扮走碟麵, 講多兩講又放底碟麵, 攪完一輪, 碟麵都係係個客度, 都凍晒, 結果要勞動老闆黎取消個麵, 個伙記最後加多句, 打工喳, 乜都唔關佢事, 搵老闆啦….
哈哈…只會係老店先有D咁夠伙記…
張貼