漢年茶餐廳

營業中

休息中

五月卅一日．晴喝完本地最正宗的檸「蜜」後，搭了程船返出市區，手機頻道終於跳回Smartone了！道別專兄後，與兩位廚友繼續去吃，但戰力與時間極度不足下，最後只能試埋大圍漢年鹽焗雞。首次來是兩年前同KC、專兄等食友踩單車上大尾篤前的起步點，喝了杯唔多好飲的奶茶，卻想不到再來是因為尋晚廚友的一張相．．．由大圍A出口行幾分鐘就到，店內明明有位，廚友卻企在門外猶豫好一會，又不是龍門客棧，三人叫一碟雞飯其實都不是好過分吧，用不著出到街邊吃咁避忌．．．是一張飯粒炒得金黃的靚相，而鹹雞只是配角，今日實際情況是，要了鹽焗雞炒底，鹹雞味道好重，如廚友所言是雞汁浸出的雞味，雞肉鬆化欠彈性，純雞汁取勝，比起方才正宗客家版本，當然是天然雞味更得大家歡心。炒飯在相中是靚靚仔仔的，出到來卻是欠熱度的炒飯，唔油但欠鑊氣帶出香味，好一般。喝著一杯沒茶香的奶茶，笑談了個多小時，要傾的話題多的是，是美食太多時間太少吧！