鳳城酒家 (干諾道西) (已結業)

雖然其實已經到春天了,但係天氣都仲係涼涼兩，今日朋友話行過鳳城見到有個海鮮五層塔嘅廣告話好似好吸引咁，心動不如行動放工即刻去試吓。一上枱，五層塔真係幾震撼喎！由上至下，第一層有美國龍蝦，貴妃蚌（因聖子缺貨），深海元貝，沙巴龍躉同埋白貝。份量多足夠兩至三人食。趁住依家有推廣價梗係嚟試吓！所有海鮮都好鮮甜美味，我就最欣賞個龍蝦好新鮮好彈牙。所有貝殼類仲好乾淨，一啲沙都冇，食得夠暢快！另一樣值得讚嘅地方就係，店員會等你食完一碟樣先幫你整下一樣。所以每一樣海鮮都係熱辣辣趁熱食嘅。今晚真係坐定定就有得食。我哋食食吓發現冇肉食，仲叫咗半隻雞，雞肉好滑，店員仲好細心咁話雞要連埋隻碟一齊蒸，如果唔係怕個粥會太油膩。食海鮮塔又點會唔加返個粥底$68，呢個粥不得了，集合曬所有海鮮嘅精華。