一起食堂 (威利廣場)

營業中

休息中

最近食台灣野既頻率好高，之前都食過呢間，今次2訪! 同埋想食上次冇食過既野!叫左個三杯雞飯。好惹味，好香，個雞係有少少炸既感覺，少少辣，好易接受。午餐仲有set咁，有前菜係涼拌木耳，有甜薯，好鐘意!好好食!仲有甜品係泡芙。朋友就食花枝丸肉燥米粉配鹽酥雞，好多配料，而且係新竹米粉，花枝丸好大粒，一咬入去，仲有原條墨魚條係到。鹽酥雞好香口，唔多炸粉。小食叫左府城蝦卷，好好食!!上次太飽冇食到芋圓仙草凍，今次就食番! 超級大碗，叫呢個要留肚食，D芋圓好出色! 係真係煙韌，仲好食過糖水鋪個D!