影片
更多
2022-07-27
59 瀏覽
二訪充滿異國風情嘅🌯NAM VIỆT NAM CAFÉ~今日我就喺晚餐時段去~燈光氣氛完全唔同😍所以我今次嘅衣著都稍為浮誇🤣異國風感大大提升↗️同埋個𨋢位真係好好影今次都係揀咗呢個位影全身~.今次二訪嘅原因係因為知道餐廳推出咗全新☀️夏日限定菜單☀️以「幻變」為主題，推出咗一系列新菜式😍所以我要嚟感受吓快啲睇吓我哋食咗啲咩奇幻嘢🍽️：1️⃣火龍芒芒🥭配蝦仁🦐脆蝦片（$58）顏色勁豐富嘅「火龍芒芒蝦仁配脆蝦片」係用咗「Ceviche」嘅醃漬法去醃啲蝦仁，即係用檸汁/青檸汁去進行醃製，令到蝦仁口感更彈牙，同時仲加入咗火龍果汁、士拉差、芒果粒同埋紫洋蔥碎調味，係一道非常清新嘅前菜，個人好欣賞呢道菜嘅多重口感，不但有蝦片嘅脆，仲有芒果肉嘅軟糯同埋蝦人嘅彈牙，強烈建議快速影完相就快啲食，如果唔係蝦片會因為吸咗啲醬汁而軟咗.2️⃣惹火🔥上身鹹檸豬頸肉（$68）本身我就好鍾意食豬頸肉😍所以見到新menu有得揀一定食☝🏻呢道豬頸肉喺上碟嗰陣，店員係會喺我哋面前表演「放火」😳佢會用火槍點著張食用級嘅魔術紙，「vroom」🔥一吓火光之後張魔術紙就消失咗，好似魔術咁，而個豬頸肉亦多咗份焦香，食落有少少脆邊，而且佢用咗鹹檸嚟
今日我就喺晚餐時段去~燈光氣氛完全唔同😍
所以我今次嘅衣著都稍為浮誇🤣
異國風感大大提升↗️同埋個𨋢位真係好好影
今次都係揀咗呢個位影全身~
.
今次二訪嘅原因係因為知道餐廳推出咗全新☀️夏日限定菜單☀️以「幻變」為主題，推出咗一系列新菜式😍所以我要嚟感受吓
快啲睇吓我哋食咗啲咩奇幻嘢🍽️：
1️⃣火龍芒芒🥭配蝦仁🦐脆蝦片（$58）
顏色勁豐富嘅「火龍芒芒蝦仁配脆蝦片」係用咗「Ceviche」嘅醃漬法去醃啲蝦仁，即係用檸汁/青檸汁去進行醃製，令到蝦仁口感更彈牙，同時仲加入咗火龍果汁、士拉差、芒果粒同埋紫洋蔥碎調味，係一道非常清新嘅前菜，個人好欣賞呢道菜嘅多重口感，不但有蝦片嘅脆，仲有芒果肉嘅軟糯同埋蝦人嘅彈牙，強烈建議快速影完相就快啲食，如果唔係蝦片會因為吸咗啲醬汁而軟咗
.
2️⃣惹火🔥上身鹹檸豬頸肉（$68）
本身我就好鍾意食豬頸肉😍所以見到新menu有得揀一定食☝🏻呢道豬頸肉喺上碟嗰陣，店員係會喺我哋面前表演「放火」😳佢會用火槍點著張食用級嘅魔術紙，「vroom」🔥一吓火光之後張魔術紙就消失咗，好似魔術咁，而個豬頸肉亦多咗份焦香，食落有少少脆邊，而且佢用咗鹹檸嚟調味~食落酸酸甜甜，同時亦有幼細薑絲帶嚟嘅辣，多方位刺激味覺
.
3️⃣NVN咖啡☕骨（$78）
本身以為上錯嘢飲🤣以為呢杯係咩特飲~咁fancy~原來呢個別緻嘅杯係裝住咖啡骨😍杯上面好似雲咁嘅係棉花糖，食之前~可以淋上小壺入面嘅越南特濃咖啡~面頭嘅棉花糖就會下沉同埋「溶」入去用越南咖啡秘製嘅獨門滷水同埋啲豬軟骨度~味道幾特別，不過豬軟骨份量略為比較少，唔夠喉🙈
.
4️⃣嫲嫲南越湯招牌金邊粉🍜（$88）
呢款招牌金邊粉我上次都有食，今次都有叫返，因為真係覺得好味，佢係用咗牛尾、牛筋同埋牛肉片去煮，湯底唔算超濃，比較清香，食完可以飲清~最鍾意佢有好香Basil味，啲牛筋、牛尾好夠林
.
5️⃣Tears of Mermaid🧜🏻♀️（$58）
呢杯cocktail係朋友飲嘅~成個造型超魔幻，係以蘭姆酒梳打作基底，再加埋藍柑橘~加埋面頭只存在大約30秒嘅波波~就好似一個水晶球咁！靚到癲😭我專登就角度影埋餐廳天花嘅波波燈，襯返呢杯嘢飲🍸
.
6️⃣柑桔檸檬🍋綠茶（$23）
呢款冇酒精嘅飲品就係酒精敏感嘅我飲~味道唔會太濃，就算一路食嘢一路飲，都唔會驚影響自己嘅味覺👍🏻
.
7️⃣富國島之椰子🥥奶凍($52)
呢個奇幻甜品又係必點之選！唔單止因為佢上枱嗰吓冒煙嘅fancy效果，仲係因為佢真係好好味唔係得個樣😍第一啖食落去，似飲緊楊枝甘露，因為食到有柚子肉、芒果肉🥭同埋有椰香味🥥慢慢咀嚼就發現個口感又係多樣化，有細細粒嘅爆爆西米、爽口嘅柚子肉同埋幼滑嘅椰子奶凍，口感好豐富，配合乾冰同埋變色燈嘅視覺效果嘅衝擊~簡直有去咗仙境嘅感覺🙈
.
整體嚟講，呢個新嘅menu無論係味覺定視覺層面上都好正😍個人覺得真係值得一試‼️
.
🌯NAM VIỆT NAM CAFÉ (旺角)
📍旺角彌敦道726號1樓
.
.
.
#hkfoodie #hkfood #hkblogger #hkinfluencer #hkyoga #hkig #hkgirl #yogagirl #打卡 #香港打卡 #hkbeautyblogger #hkgirls #discoverhk #discoverhongkong #香港 #香港好去處 #hk #mongkok #瑪姬兒的穿搭日常👸🏻 #瑪姬兒的飲食日誌👩🏻🍳
張貼
