陳儀興尚潮樓 (英皇道)

營業中

休息中

平時都好鐘意食潮州菜，尤其係潮州打冷近排天氣濕熱，最岩就係去潮州打冷同埋食魚飯原來係新蒲崗開業六十年出曬名既陳儀興尚潮樓，係鰂魚涌開左新分店以後想食高質潮州菜就唔駛去到九龍先有得食餐廳環境走中國古典風格，坐位寬闊，卡位位置用上有刺繡圖案薄紗屏風作分隔，充滿文藝氣息菜式除左必食打冷、傳統潮洲菜式及其他中式小菜外，仲有足料燉湯不可不試食物方面:功夫茶 : 用鐵觀音做功夫茶，茶底濃潤結實，濃厚茶香，為一餐高質潮州菜作開始及完美既總結滷水拼盤 : 有大腸、生腸、墨魚、腩肉、元蹄，再用豆腐鋪底，份量十足，生腸墨魚夠曬爽口，腩肉元蹄肥瘦均勻夠入味，大腸口感煙韌，再配埋潮州辣椒豉油，最鐘意既打冷組合普寧豆醬炒通菜 : 潮州人炒菜就一定用普寧豆醬，通菜新鮮翠綠夠大條，炒得夠曬鑊氣，味道鹹鮮又帶甘香大眼雞魚飯 : 第一次食魚飯，仲要食到好耐無食過既大眼雞，魚肉厚實又軟滑，味道少少鹹，再蘸上少少普寧豆醬能夠帶出鹹鮮味，再加碗潮州白粥真係一流既配搭二十年老菜甫燉鮮豬肚湯 : 燉湯清澈，醇香清甜，再放入軟滑嫩新鮮豬肚，黑黑的又鹹味十足既二十年老菜甫，味道配合得剛剛好，健脾益胃，沁脾開胃潮州白粥 : 食潮洲菜又