餐廳地方不大，會有少少迫，但影響不大。因為預計之後喺年宵都會食嘢，所以唔係點咗好多食物，包括我菜肉包、嫩雞煨麵、小籠包、熱豆漿。
菜肉包，$18/2個。個包都幾大，幾抵食。入面餡料好足，好多菜，調味啱啱好，推介！
去親食上海嘢都會食嫩食煨麵，上次嚟都有食。記憶中係唔錯的，但今次稍為失色，麵唔夠淋，雞有d硬。
小籠包，皮唔算薄，但個餡唔錯，唔會好肥好溜咁。
雖然唔係點咗好多食物，但係都OK飽。埋單$103，以呢個價錢2個人喺銅鑼灣食晚飯確實幾抵。呢2次嚟都見到隔離枱食獅子頭菜飯，望落幾吸引咁，下次嚟會試試
