南昌咖啡麵 (已結業)

2020.09.04第二次幫襯，疫情底下，二人一枱，坐得舒服咗。顧客舒服，食肆難捱。黑椒牛扒飯，份量十足。黑椒汁勁夠味道，牛扒當然係落咗鬆肉粉。但都算係唔錯。有一定好厚度，亦有先用醃料處理。雞翼撈出前一丁配紅豆冰。雞翼值得推薦，三隻雞翼由開餐食到最後，都保持住熱辣辣。味道好外皮仲脆卜卜。另外紅豆冰也要試，紅豆蓉唔太甜又夠林。麻辣牛肚，好似我怕辣嘅就剛剛好。腐乳西生菜，腐乳汁略嫌太稀，掛唔到係啲菜到。