部屋咖啡室

旺角登打士廣場十二樓有一間部屋咖啡室，是和朋友hea下的好去處。餐廳設計讓人覺得很有親切感，工作人員有禮可親，是約朋友暢談的好地方，年青朋友，學生尤其合適。哪裡有一個二人套餐，係抵食之選，有一個小食，一個意粉，同埋可以自選一個十寸嘅披薩，加兩杯飲品。我哋揀咗一個西西里pizza，份量兩個人食就啱啱好喇，披薩上邊有辣肉腸、肉粒、蘑菇、火箭菜和茄醬。披薩嘅薄餅底唔係太厚，食落去唔會有太飽嘅感覺，端上嚟嘅時候熱辣辣，非常美味。我哋又叫咗烤雞肉濶條麵，麵嘅質地係煙韌的，加埋調味剛剛好嘅芝士和醬汁，我哋好快就清咗碟，so yummy。小食係炸蟹餅，蟹餅好彈牙，有六塊，真令人滿足。套餐係包兩個飲品嘅，我們叫了奇異果椰果soda，蜜桃柚子soda，飲品唔係太甜，都幾啱一啲注重健康嘅人士。如果要soda就要另加10元一杯啊！花了360元，每人平均180元，在哪裡暢談了1.5小時，也算是物超所值呢！