影片
更多
2024-08-23
555 瀏覽
《Pancake House HoiHoi - 荃灣》近期成日都喺荃灣出沒😝趁住暑假期間，我約咗個舊學生喺呢一邊食個下午茶順便傾吓偈🤓記得有一個時期我好沉迷食梳乎厘pancake，而呢一間餐廳之前都喺九龍灣嗰邊試過，嗰一日突然心血來潮想食pancake，所以就帶左我個學生過嚟呢度飲杯啡食吓嘢😉當日下午茶時段，人流唔算好多，可以坐喺度慢慢傾偈食嘢，環境都幾舒服，而荃灣分店呢度仲推出咗二人套餐，只需$298就有兩個主食、兩個甜品同埋兩杯飲品，兩個人食都唔算貴💁🏻♀️爆芝牛肉漢堡🍔後生仔鍾意食漢堡包😂不過不得不提呢度嘅漢堡包都幾大件，漢堡扒望落都幾厚身，入面有蕃茄生菜同埋芝士等嘅配菜，旁邊仲有薯條伴碟，仲有大大碟芝士醬喺旁邊，嗰啲芝士醬我諗係比人淋喺個漢堡上面，形成瀑布芝士🧀不過呢個小朋友食得好優雅，啲醬用嚟點漢堡包同埋薯條🤓雖然卡路里爆棚，但係睇得出佢幾滿意呢個漢堡包💁🏻♀️凱薩沙律同佢唔同，我就要咗個沙律就算啦，沙律嘅菜都幾新鮮，配上凱撒沙律醬汁、流心蛋同埋煙肉碎，直落爽口，點上蛋汁之後更加香滑🤗💁🏻♀️夏威夷果仁忌廉梳乎厘班戟食沙律嘅原因係因為我要留肚食pancake呀嘛，今次就點咗冇
近期成日都喺荃灣出沒😝趁住暑假期間，我約咗個舊學生喺呢一邊食個下午茶順便傾吓偈🤓記得有一個時期我好沉迷食梳乎厘pancake，而呢一間餐廳之前都喺九龍灣嗰邊試過，嗰一日突然心血來潮想食pancake，所以就帶左我個學生過嚟呢度飲杯啡食吓嘢😉當日下午茶時段，人流唔算好多，可以坐喺度慢慢傾偈食嘢，環境都幾舒服，而荃灣分店呢度仲推出咗二人套餐，只需$298就有兩個主食、兩個甜品同埋兩杯飲品，兩個人食都唔算貴
💁🏻♀️爆芝牛肉漢堡🍔
後生仔鍾意食漢堡包😂不過不得不提呢度嘅漢堡包都幾大件，漢堡扒望落都幾厚身，入面有蕃茄生菜同埋芝士等嘅配菜，旁邊仲有薯條伴碟，仲有大大碟芝士醬喺旁邊，嗰啲芝士醬我諗係比人淋喺個漢堡上面，形成瀑布芝士🧀不過呢個小朋友食得好優雅，啲醬用嚟點漢堡包同埋薯條🤓雖然卡路里爆棚，但係睇得出佢幾滿意呢個漢堡包
💁🏻♀️凱薩沙律
同佢唔同，我就要咗個沙律就算啦，沙律嘅菜都幾新鮮，配上凱撒沙律醬汁、流心蛋同埋煙肉碎，直落爽口，點上蛋汁之後更加香滑🤗
💁🏻♀️夏威夷果仁忌廉梳乎厘班戟
食沙律嘅原因係因為我要留肚食pancake呀嘛，今次就點咗冇咁甜嘅夏威夷果仁忌廉梳乎厘pancake，佢嘅pancake蛋香味十足，食落軟淋淋有動L既效果☺️上面淋上咗香滑嘅忌廉同埋灑上脆口嘅夏威夷果仁碎，食晒成份都唔會太漏😋重燃我對梳乎厘pancake既衝動
💁🏻♀️草莓疊疊樂
而我學生就要咗呢一個新出限定嘅草莓疊疊樂，其實都係梳乎厘pancake黎架，上面放咗塊酥皮，然後上面有雲呢拿忌廉同埋草莓果肉，食落酸酸甜甜幾開胃🥰估唔到男仔都鍾意食草莓口味嘅嘢今餐有兩杯餐飲，我哋就要咗一杯Cappuccino同埋檸檬特飲，佢嘅咖啡偏奶少少，上面有朱古力醬提味，都幾大杯㗎😉而另外一杯檸檬特飲就好似酸咗少少，適合天氣炎熱嘅時候飲用，都幾解渴同清新，如果黎開荃新天地嘅呢一間Pancake House Hoi Hoi 的話，不妨試吓佢個二人餐啦，按照當日嘅份量其實都幾抵食㗎
張貼
