環境
我對於舊時印象都好模糊，不過記得環境比較昏暗，枱亦唔算好多，新店用茶鏡外面完全睇唔到，但係入邊好光猛，而且好多枱，仲要好多張都好闊落，坐得好舒服。
餐牌
餐牌亦多咗好多新款式，我見到有好少香港韓國餐廳有嘅鳳爪，一定要嗌你試吓啦！
芝士雞蛋卷 $128
食過簡單前菜後，第一樣上嘅食物就係芝士雞蛋卷，好大份而且好足料，入面芝士亦好多，雖然拉絲唔算好勁，但芝士味足夠，蛋厚不實。
蜂蜜蒜蓉炸雞 $198
本身諗住嗌招牌半半炸雞，但又唔想食原味，於是揀左新口味蜂蜜蒜蓉炸雞。價錢縱使貴少少，但係份量好多！有成隻雞，蒜蓉加咗配料係綠綠地色，蜂蜜淋咗大量上面，甜甜地配上蒜蓉惹味，炸皮唔會特別厚，雞肉部分炸耐咗時間，但咁大份食得好飽！
香辣鳳爪&米水湯 $188
真係第一次係香港嘅韓國餐廳見到有鳳爪食，附以米水湯解辣。一食落口，估唔到好有料到！有啲似辣雞麵果隻辣，辣勁十足，而且係口控會持續一段時間，好多辣醬黏附係鳳爪上面，食完一隻真係要飲啖米水湯解辣，再唔係將鳳爪放入米水湯浸下再食，食落辣度降低，反而多咗甜味。
總括而言，平日晚上餐廳都full house，加上餐廳地理位置唔算顯眼，咁多年都咁多捧場客當然有佢原因。
