影片
更多
2023-11-19
317 瀏覽
亂打單亂收費！非常不誠實晚餐一行6人訂左枱食蒸海鮮，7點晚飯時間入到餐廳人影都冇隻已經覺得伏伏地。6個人點咗2份象拔蚌海鮮3人餐，2個餐承惠total 4千幾蚊，海鮮種類少，份量更加少得可憐，每人每款海鮮（蝦/青口/蠔/刀貝）只有一隻，龍蝦每人就只得半隻，蟹每人只分到1/4隻，食完成個餐好似食咗陣風，冇嘢落過肚咁。海鮮quality好一般，其中有一隻龍蝦肉質又梅又淋，估計處理前已經死左。呢個價錢俾啲咁嘅質素真係離晒譜。埋單時候一睇張單，發現有好多我哋冇叫到嘅Item，成張單銀碼比起我哋叫嘅套餐價錢多咗差唔多成千蚊，我哋就同店員講，點知佢嘅反應好似已經一早就知張單錯左咁輕輕一句一句唔好意思就拎走左張單。到佢換返張「正確」嘅單俾我哋嘅時候，我哋發現佢收咗我哋一渣冷凍茶嘅價錢，但其實我哋落order時間只係叫咗烏龍茶，冇為意到原來餐廳將我哋原先想叫嘅烏龍茶($20)換咗一渣冷凍茶($68)俾我哋。。。呢樣都算，只可以話我哋冇問清楚餐廳嗰枝係咩茶。但最最最過份嘅係：除咗收咗每位茶錢之外，仲有一個叫「假期前夕附加費用-每位計」，食咗咁多年飯真係第一次聽呢個收費item結果我哋每人硬食咗$28(t
晚餐一行6人訂左枱食蒸海鮮，7點晚飯時間入到餐廳人影都冇隻已經覺得伏伏地。
6個人點咗2份象拔蚌海鮮3人餐，2個餐承惠total 4千幾蚊，海鮮種類少，份量更加少得可憐，每人每款海鮮（蝦/青口/蠔/刀貝）只有一隻，龍蝦每人就只得半隻，蟹每人只分到1/4隻，食完成個餐好似食咗陣風，冇嘢落過肚咁。海鮮quality好一般，其中有一隻龍蝦肉質又梅又淋，估計處理前已經死左。呢個價錢俾啲咁嘅質素真係離晒譜。
埋單時候一睇張單，發現有好多我哋冇叫到嘅Item，成張單銀碼比起我哋叫嘅套餐價錢多咗差唔多成千蚊，我哋就同店員講，點知佢嘅反應好似已經一早就知張單錯左咁輕輕一句一句唔好意思就拎走左張單。
到佢換返張「正確」嘅單俾我哋嘅時候，我哋發現佢收咗我哋一渣冷凍茶嘅價錢，但其實我哋落order時間只係叫咗烏龍茶，冇為意到原來餐廳將我哋原先想叫嘅烏龍茶($20)換咗一渣冷凍茶($68)俾我哋。。。呢樣都算，只可以話我哋冇問清楚餐廳嗰枝係咩茶。
但最最最過份嘅係：除咗收咗每位茶錢之外，仲有一個叫「假期前夕附加費用-每位計」，食咗咁多年飯真係第一次聽呢個收費item結果我哋每人硬食咗$28(total 168)嘅假期附加費!!!!!!!
呢間野又貴啲嘢又唔新鮮，最重要係非常唔誠實！又借機係張單度多加幾個item，又俾啲收費貴啲嘅飲品俾人，而我哋食緊飯嘅時候都聽到有另一枱內地客投訴。
奉獻大家如果想去試伏，記住記住要check單，否則俾人收多咗成千蚊都唔知
張貼
