船塢冰室 (已結業)

去K11 Musea食完午餐，順便買定夜晚個餐，行了兩轉，見到這間冰室都唔錯，有焗飯及炒粉麵，款式不及茶餐廳多，但份咸牛三文治真是非常吸引。三重芝士鮮茄焗豬扒飯飯是炒底，表面舖滿了番茄及芝士，食焗飯最怕唔夠汁，但這個飯完全無這個問題，超多汁但又唔會令飯底太濕，茄汁味亦唔會過酸，加上厚切豬扒，肉質鬆軟。乾炒牛河河粉唔會黐埋一齊，而且很爽滑，每條都很完整，唔會斷開一段段，加上牛肉份量很足，差不多7-8片，肉質有咬口，食完都唔會油淋淋。瑞士雞翼雞翼就比較貴，$32/3隻，但非常入味又嫩滑。