船塢冰室 (已結業)

焗豬扒飯可以整到咁難食真係無咩邊間餐廳做得到，啲豬扒可以無味又榎口，啲飯又淋又唔熱啲汁可以無味而且好似無焗過仲話三重芝士，我咩芝士味都食唔到，$68咁嘅價錢連大家樂大快活一半水平都無。豬軟骨公仔麵味道好返少少，不過啲豬軟骨好似煲湯啲瘦肉咁，真係慘，份量仲要少，女仔食完都未必夠飽，餐牌仲有個手指公👍🏻推介人食，食完呢間嘢要即刻搵其他嘢食，因為個飯食左一半已經放棄，個麵就得嗰少少，點解咁嘅餐廳都可以開係K11 MUSEA?

極度難食的冰室！扒芝士火腿三文治嗰塊火腿芝士細到咩咁！沙嗲牛肉麵咸道要買洗腎機先可以食！仲要$60蚊1個沙嗲牛肉麵。真心唔好攞錢浪費！起碼貴出邊一倍價錢。貼錢買難受。

今日去K11 musea行街去左food court食野， 想食公仔麵所以就揀左呢間！食左個雞翼撈公仔麵，賣相都幾靚不過就冇乜味... 🤔🤔而且佢哋亦都冇辣椒油提供... 少少失望😣

去左k11行街 中午未食飯 去左睇下有咩食見到呢間好多人幫襯就試一試叫左$48瑞士雞翼撈公仔麵🍜價錢一定偏貴 始終係k11 首先講下個麵啲麵嘅質地ok 但有陣臭雪藏怪味 好多汁但完全無味得陣臭味 愈食愈反胃🤢啲汁稀到水咁雞翼有3隻 又霉又無味 真係一啲瑞士汁嘅味都無是但一間街邊茶記都好食過佢咁簡單嘅野都整唔好 極度懷疑啲好評係買番黎價錢又唔平 野飲收正價 但相對foodcurt其他食物平 所以都好多人幫襯一定無下次！！！

原來諗住嚟到K11 musea想試其他餐廳，點知每間都要排隊，就誤打誤撞嚟到food court試吓船塢冰室。🌟芝士焗肉醬意粉$62意粉及肉碎嘅份量都算多，不過醬汁唔夠多而且意粉煮得唔夠淋，食起上嚟有啲太乾，整體味道一般。

同阿女去尖沙咀k11 musea返學, 放學後突然好肚餓, 是但近近地去 food playground (即係food court) 食個下午茶餐😅喺船塢冰室叫左沙嗲牛肉通粉 + 炒蛋多士, 配野飲, $58 其實就唔平, 雖然係 food court, 但環境同空間感唔錯既🤭但野食就真係唔得😖沙嗲牛肉超級咸, 通粉好硬, 炒蛋好乾😔 成個餐最正常就係罐可樂🤣另外個收錢姐姐態度都好差, 問多句都唔想答, 完全趕客, 真係無下次😖

今日諗住喺尖沙咀行夜街 晚市禁堂食嘅情況之下 唯有五點幾就食晚飯 於是去咗K11 Musea basement 嘅 food court🙊本身諗住喺food court可以各有各食大家鍾意嘅餐廳 但係因為貪小便宜嘅我見佢單一消費滿$200有九折😺 就選擇咗喺呢間船塢冰室買晒全部野食 落完單等咗大約十分鐘就有得食啦焗飯見到真係即叫即焗 所以真係幾熱 三重芝士番茄焗豬扒飯 有邊三種芝士就食唔出 但係就真係有一層好厚嘅芝士喺面 不過有啲硬 做唔到拉絲嘅效果😫 不過豬扒連骨幾好 整體就冇咩特別船塢芝士白汁海鮮焗飯 海鮮得少少 白汁唔係好夠 成個飯冇乜味 仲比較乾 如果多少少汁會易入口啲😚牛腩撈公仔麵 牛腩好腍 都有大約三四件 個汁甜甜地 有少少似瑞士汁 公仔麵都係普普通通紅豆冰 非常解渴 只有薄薄一層既紅豆 唔會太甜😬呢餐唔算得上好特別 但food court既質素嚟講就係不過不失啦 下次如果再嚟呢個food court我就未必會再揀呢間喇😮

利到尖沙咀行街，想近近地搵個地方食d野，利到food court搵食，最後選左間冰室，我之所以選船塢冰室係因為選冰室一定唔會伏，因為冰室係香港獨有，好難話會唔岩食或者難食既。經過一番既心思熟慮後，選左沙爹牛肉麵配炒蛋多士，的確，冇令我失望，仲有驚喜tim 。先講沙爹牛肉麵，肉既質感係嫩滑。唔係硬崩崩個種。而塊多士偏脆既口感，奶茶好香滑。以性價比利講，完手值得一試。冰室利講矩做得唔錯。總括利講成個food court既環境都好唔錯。

今日lunch想食下茶餐廳既美食，黎到K11 Musea，就去左foodcurt既船塢冰室，睇佢既廣告牌見到雞髀撈公仔麵好吸引，當然唔可以錯過。公仔麵夠煙韌，而且啲汁夠多，可以撈到每條麵都沾上滷水汁，唔會好乾，撈到一啲有汁一啲冇汁。隻雞髀都算大隻，不過個人就認為雞髀肉唔夠嫩滑，雞髀方面就遜色少少。不過整體都唔差，好食！都要比隻手指佢～

同朋友行K11行完落左來food court搵野食呢度好多唔同國家菜式朋友話想食港式野我地揀左呢間餐廳之前來食過一次印象d野食唔錯可以encore沙嗲牛肉包好大方啊個包d料超厚牛肉好多個醬超惹味超juicy厚切炒蛋三文治厚厚的炒蛋蛋好香好正啊三重芝士鮮茄焗豬扒飯wawawa呢個真係不得了d料超多濃濃的芝士加埋d汁真係超好食個人推介焗豬扒飯同牛肉包必食呢度食物水準都幾高食得出好有心機整今餐食到好飽同埋超級滿足

因為政府無厘頭的政策，食肆最多只可兩人一堂，是香港人報復式的消費令到K11 Musea商場水洩不通，誤打誤撞來到這間food court裏面的船塢冰室，一個座位也沒有唯有站着吃個午餐。最體貼的是座位上有充電器，救了我電話一命。【芝士焗肉醬意粉】即叫即焗，一出爐熱辣辣香氣撲鼻，味道很重茄醬的香油味，意粉又煙韌，很開胃，最喜歡拉到絲的芝士！唯一不足份量有點少。【瑞士雞翼】抵食加配優惠小食，雞翼大大隻啖啖肉，瑞士汁甜甜的，雞肉又有肉地。【厚切咸牛肉炒蛋三文治】份量對得起價錢，厚切咸牛肉炒蛋夾在三文治中間，一啖勉強可以咬到，很厚足料。

第一次寫食評..就俾左第一個負評未試過食一間 雞翼撈公仔麵 會食左一啖就食唔落.. 勁多汁，雞翼無味，公仔麵又勁淋。真係食到成肚火真係無諗過再safe 的撈丁都可以整到咁...永遠唔會再幫襯呢間冰室

朋友約下午茶，見我試過k11musea不錯，我地又去試新野，當然岩晒我今次試試茶記式。瑞士汁雞髀公仔麵，大大隻髀，瑞士汁香濃。公仔麵彈牙配上瑞士汁，又不錯。令到公仔麵味道變了一款好味撈公，雞髀滑滑。入味，雞肉皮更加正。配合得不錯，讚👍🏻👍🏻👍🏻👍🏻👍🏻紅豆冰涼粉，炎炎夏日消暑嘅好飲品，紅豆夠淋，奶份量好，配上涼粉，更是一流點了芝士火腿三文治🥪，望似平平淡淡。但叮熱了芝士溶化麵包🥯，食時有芝士絲。又香。熱食更好，另加上火腿通心粉。火腿份量多及通粉煮得啱啱好。不錯的選擇

又到達遙遠的九龍區，這家餐廳位於尖沙咀的大型商場之內， 餐廳位於商場的food court內， 在選擇眾多的情況下， 餐廳主打的香港口味，定必殺出一條血路。值得一提的是環境，在疫情期間，沒想到foodcourt也做得不錯， 人與人之間的社交距離充足，加上更有酒精搓手液提供，方便客人使用。食物方面，我點選的就是焗肉醬意粉，相信這一定是香港的其中一道著名快餐美食， 食物味道方面，肉醬份量十足，番茄味和肉味配合得天衣無縫，但最喜愛的就是上面的芝士，可以做成拉絲的效果，外賣自取，在公園吃也是一個賞心樂道的事。

Quayside Cafe was one of the many stalls located at the basement of K11 Musea food court, named Food Playground. As we were lazy to look around looking for food, we just went to the food court to settle our lunch today. They served noodle, rice, sandwiches and drinks etc. Iced red bean with milk was milky and smooth, sweet in taste as the red bean was chewy and sweet. Another drink was additional grass jelly with it. Grass jelly was sweet and soft, like those tasted in Taiwan dessert stall. Sata