新斗記 (已搬遷) 新店位置

一家人有節日要慶祝，通常由我負責諗地方，因為有老人家，所以食中菜就最啱。新斗記幾年前食過一次，記得質素唔錯，可以再試，不過要試就要去佐敦果間，因為係總店。素知新斗記最出名燒乳豬，但供應有限，所以最好預訂。接電話的阿姐好好人，我求其話訂半隻乳豬，佢話「你地5個人，再叫下其他餸，1/4隻夠架喇」。1/4隻上枱時係有半個豬頭，分量唔係好多。乳豬皮脆到好似薯片，就算擺耐左仍然脆度十足，果然係招牌菜。乳豬肉唔係好多，不過都夠鹹香，亦冇肥膏。另外仲叫左1/4隻燒鵝，熱辣辣香噴噴，皮甘香肉鬆軟，一d都唔韌，質素比燒鵝專門店更好，絕對推介。個肚有冇空位都好，都一定要叫豉油王炒麵，鑊氣十足，油亮但唔肥膩，麵條爽口亦均勻沾滿醬油，好食。椒鹽豆腐粒就炸得乾身左少少，調味亦不足，可以忘記。值得去指數：