滿江紅小甜甜 (已結業)

朋友介紹下, 先知道小甜甜在九龍開咗分店, 太高興!立即去食下至愛嘅麻辣。可能唔係咁多人知道開咗分店, 所以唔好咁多人, 而又夜咗去, 所以好多位。環境都算寬敞, 坐得舒服。先食個小食泡椒鳳爪, 第一啖食唔係好辣, 但越食越辣, 鳳爪又夠入味, 真係會追住食, 好吸引的前菜啊!主菜叫咗個麻辣魚腩同辣子雞, 麻辣魚腩用窩上, 用火熱住食, 個魚腩啖啖用, 非常入味, 雖然好大舊魚腩, 但魚肉仍然滑, 由於係熱住食, 所以又係越食越辣, 好過癮呀! 而辣子雞夠香口, 辣得夠惹味。為了解下辣, 食返個炸曼頭, 再飲返杯我至愛嘅青檸樹, 即刻醒神, 最buy係夠酸夠解喝, 大大杯抵飲, 好過飲汽水!